Bıylǵy Joldaýdyń «Qazaqstandyqtardyń ál-aýqatynyń ósýi: Tabys pen turmys sapasyn arttyrý» dep atalýynyń ózi memlekettiń osy baǵyttan tanbaǵanyn kórsetedi.
Ult Kóshbasshysy bul joly halyqtyń turmysyn sapalyq turǵyda múlde jańa deńgeıge kóteretin tamasha bastamalar kóterdi. Bir ǵana aýyz sý jáne jergilikti jerlerge qatysty tapsyrmasyna oı júgirtip kórińizshi.
Bul jóninde N.Nazarbaev «2015 jyldan bastap, 3 jylda respýblıka boıynsha 2 400 shaqyrym avtojol salyndy jáne jóndeýden ótkizildi. Bul jumystar jalǵasady jáne 2020 jylǵa deıin qosymsha taǵy 4 600 shaqyrym jol salynady jáne jóndeledi. Osylaısha, tutas el birinshi sanattaǵy avtokólik joly jelisimen qamtylady» dedi.
Prezıdenttiń tapsyrmasyna sáıkes, jergilikti joldardyń qurylysyna bólinetin qarjynyń kólemi 150 mlrd teńgege, al, aýyldy jerlerde halyqty taza sýmen qamtýǵa qarastyrylǵan qarajat 100 mlrd teńgege ulǵaıatyn boldy. Munyń bári qarapaıym qazaqstandyqtardyń ómirin jaqsarta túsetin sheshimder ekeni daýsyz. Halqymyzdyń turmysy jaqsarǵan saıyn onyń erteńgi kúnge degen senimi arta túsedi. Halyqtyń senimi men birligi bekem bolsa, Elbasy aıtqandaı, Qazaqstannyń baǵyndyrar bıikteri áli alda.
Rahym BALABIEV, Qazaqstan Jazýshylar Odaǵynyń múshesi, halyqaralyq «Alash» ádebı syılyǵynyń ıegeri, OQO qurmetti azamaty.
Túrkistan oblysy.
