ەلباسى نۇرسۇلتان نازاربايەۆتىڭ تاۋەلسىزدىكتىڭ العاشقى جىلدارىنان بەرى قاراي جۇرگىزىپ كەلە جاتقان سارابدال ساياساتىنىڭ نەگىزگى وزەگى – حالىقتىڭ الەۋمەتتىك جاعدايىن جاقسارتۋ.

بيىلعى جولداۋدىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» دەپ اتالۋىنىڭ ءوزى مەملەكەتتىڭ وسى باعىتتان تانباعانىن كورسەتەدى.

ۇلت كوشباسشىسى بۇل جولى حالىقتىڭ تۇرمىسىن ساپالىق تۇرعىدا مۇلدە جاڭا دەڭگەيگە كوتەرەتىن تاماشا باستامالار كوتەردى. ءبىر عانا اۋىز سۋ جانە جەرگىلىكتى جەرلەرگە قاتىستى تاپسىرماسىنا وي جۇگىرتىپ كورىڭىزشى.

بۇل جونىندە ن.نازاربايەۆ «2015 جىلدان باستاپ، 3 جىلدا رەسپۋبليكا بويىنشا 2 400 شاقىرىم اۆتوجول سالىندى جانە جوندەۋدەن وتكىزىلدى. بۇل جۇمىستار جالعاسادى جانە 2020 جىلعا دەيىن قوسىمشا تاعى 4 600 شاقىرىم جول سالىنادى جانە جوندەلەدى. وسىلايشا، تۇتاس ەل ءبىرىنشى ساناتتاعى اۆتوكولىك جولى جەلىسىمەن قامتىلادى» دەدى.

پرەزيدەنتتىڭ تاپسىرماسىنا سايكەس، جەرگىلىكتى جولداردىڭ قۇرىلىسىنا بولىنەتىن قارجىنىڭ كولەمى 150 ملرد تەڭگەگە، ال، اۋىلدى جەرلەردە حالىقتى تازا سۋمەن قامتۋعا قاراستىرىلعان قاراجات 100 ملرد تەڭگەگە ۇلعاياتىن بولدى. مۇنىڭ ءبارى قاراپايىم قازاقستاندىقتاردىڭ ءومىرىن جاقسارتا تۇسەتىن شەشىمدەر ەكەنى داۋسىز. حالقىمىزدىڭ تۇرمىسى جاقسارعان سايىن ونىڭ ەرتەڭگى كۇنگە دەگەن سەنىمى ارتا تۇسەدى. حالىقتىڭ سەنىمى مەن بىرلىگى بەكەم بولسا، ەلباسى ايتقانداي، قازاقستاننىڭ باعىندىرار بيىكتەرى ءالى الدا.

 

راحىم بالابييەۆ، قازاقستان جازۋشىلار وداعىنىڭ مۇشەسى، حالىقارالىق «الاش» ادەبي سىيلىعىنىڭ يەگەرى، وقو قۇرمەتتى ازاماتى.

تۇركىستان وبلىسى.