Sondai-aq, ishki reisterge KVI taldaýyn talap etý qoljetimdiligi týraly qoǵamdyq talqylaý esepke alynyp, búgingi tańda bul talap alynyp tastaldy.
QR Premer-ministriniń orynbasary Eraly Toǵjanov elimizdegi tótenshe rejimniń joiylýyna bailanysty Qazaqstannyń keibir qalalary arasynda áýe qatynastarynyń qalypqa keltirilýi men poiyzdardyń júre bastaýy múmkindigine qatysty túsinik berdi, dep habarlaidy Dalanews.kz.
1 mamyrdan bastap Nur-Sultan, Almaty, Óskemen, Semei, Qyzylorda jáne Petropavl qalalary arasynda reister qalpyna keltirilgeni belgili. Búginnen bastap Prezidenttiń sheshimine sáikes, elimizdiń 7 qalasymen (Aqtóbe, Qaraǵandy, Kókshetaý, Qostanai, Pavlodar, Taraz, Taldyqorǵan) áýe qatynasy qaita jandandy. Qazirgi ýaqytta temirjol kóliginiń qatynaýyna ruqsat joq, - dedi Toǵjanov.
Sondai-aq, ishki reisterge KVI taldaýyn talap etý qoljetimdiligi týraly qoǵamdyq talqylaý esepke alynyp, búgingi tańda bul talap alynyp tastaldy. Onyń ústinde elimizde keń aýqymdy skrining júrgizilip jatyp, búginderi respýblikamyzda koronavirýsqa bailanysty 400 myńǵa jýyq testileý júrgizildi.
Memleket basshysy atap ótkendei, bul jaǵdaidyń obektivti jaǵdaiyn anyqtaýǵa jáne qazaqstandyqtardy emdeý úshin qajetti sharalardy qabyldaýǵa múmkindik berdi.
Ushý kezindegi sanitarlyq baqylaý burynǵydai saqtalady: jolaýshylardyń temperatýrasyn ólsheý, ushaqqa otyrý jáne túsý kezindegi áleýmettik qashyqtyqty saqtaý jáne betperde kiiý, - dep túsindirdi vitse-premer.
