Jolan Omarov Talǵar aýdany ákimi boldy
Kezdesýde oblys basshysy Talǵar aýdanynyń asa aýqymdy óńir ekenin, sheshimin kútken birqatar máseleleri de bar ekenin atap ótti.
– Talǵar aýdanynda 280 myńdai halyq turady. Turǵyndary eńbekker, kásipkerlikke beiim úlken aýdandy basqarýdyń artyqshylyǵy da, qiynshylyǵy da bar. Qala mańyndaǵy eldi mekenderdiń áleýmettik máseleleri erekshe nazar aýdarýdy talap etedi. Mundaǵy jer máselesine de jiti qaraý kerek. Kez kelgen is jyldam sheshim qabyldap, sońyna deiin sapaly atqarǵanda ǵana túbegeili sheshiledi. Sondyqtan biz aýdanǵa qashanda zor qoldaý kórsetip kelemiz. Máselen, sońǵy 5 jylda Talǵar aýdanyna 37 mlrd. teńge qarjy bólingen. Ryskeldi Ahmetqaliuly qolynan kelgenshe aýdandy damytýǵa úles qosty. Sol úshin oblys basshylyǵynyń, aýdan turǵyndarynyń atynan rahmet aitamyn. Ryskeldi Satbaevtyń tájiribesi mol, ortalyq organdarda, Qaraǵandy oblysynda, Almaty qalasynda jaýapty qyzmetter atqarǵan. Sondyqtan osy bilimi men tájiribesin, potentsialyn oblysty damytýǵa áli de baǵyttaityn bolady. Al buǵan deiin Raiymbek aýdanyn basqarǵan Jolan Omarovtyń Talǵar aýdanyn basqarýǵa kúsh-jigeri, kásibi múmkindigi jetedi dep oilaimyn. Bul óńirdegi jylýmen, sýmen, gazben qamtý, sý tasqynynyń aldyn alý,, ásirese, áleýmettik jáne jer máselelerine kóp kóńil bólý qajet. Turǵyndardyń aryz-ótinishterinde kótergen problemalaryn sheshý aldyńǵy qatarda turýy tiis, – dedi A.Batalov.
Sonymen qatar oblys basshysy aýdanda atqarylǵan birqatar isterge toqtalyp ótti. Onyń aitýynsha, ákimdiktiń usynysymen, Úkimettiń qoldaýymen joǵarǵy Talǵar trassasyn jańǵyrtý jumystary jýyrda bastalady. Sol siiaqty aýdandaǵy ortalyqtandyrylǵan jylý júiesine qosylmaǵan kóp qabatty úilerdi jylý júiesine qosý isi qarqyndy jalǵastyrylatynyn da tilge tiek etti. Oblys ákimi Jolan Omarovtyń jumysyna sáttilik tilep, biznestiń damýyna, ónerkásipti órkendetýge qoldaý tanytýdy tapsyrdy.
Óz kezeginde R.Satbaev aýdan jurtshylyǵyna jáne ózine senim bildirgen oblys basshylyǵyna rizashylyǵyn aityp, jańa ákimniń jumysyna tabys tiledi. Sol siiaqty Jolan Omarov ta úlken aýdannyń ózine artylǵan úlken senim ári úlken jaýapkershilik ekenin jetkizip, júktelgen mindetterdi abyroimen atqaratynyna sendirdi.
Jiynda Talǵar aýdanynyń Qurmetti azamaty, aýdandyq Qoǵamdyq keńestiń tóraǵasy Q. Baibolov, № 17 mekteptiń direktory, grek etnomádeni birlestiginiń tóraiymy L. Tifantsidi jáne basqa da azamattar oi-pikir qosyp, tilekterin bildirdi.
Almaty oblysy ákiminiń baspasóz qyzmeti
