جولان وماروۆ تالعار اۋدانى ەكٸمٸ بولدى
كەزدەسۋدە وبلىس باسشىسى تالعار اۋدانىنىڭ اسا اۋقىمدى ٶڭٸر ەكەنٸن, شەشٸمٸن كٷتكەن بٸرقاتار مەسەلەلەرٸ دە بار ەكەنٸن اتاپ ٶتتٸ.
– تالعار اۋدانىندا 280 مىڭداي حالىق تۇرادى. تۇرعىندارى ەڭبەككەر, كەسٸپكەرلٸككە بەيٸم ٷلكەن اۋداندى باسقارۋدىڭ ارتىقشىلىعى دا, قيىنشىلىعى دا بار. قالا ماڭىنداعى ەلدٸ مەكەندەردٸڭ ەلەۋمەتتٸك مەسەلەلەرٸ ەرەكشە نازار اۋدارۋدى تالاپ ەتەدٸ. مۇنداعى جەر مەسەلەسٸنە دە جٸتٸ قاراۋ كەرەك. كەز كەلگەن ٸس جىلدام شەشٸم قابىلداپ, سوڭىنا دەيٸن ساپالى اتقارعاندا عانا تٷبەگەيلٸ شەشٸلەدٸ. سوندىقتان بٸز اۋدانعا قاشاندا زور قولداۋ كٶرسەتٸپ كەلەمٸز. مەسەلەن, سوڭعى 5 جىلدا تالعار اۋدانىنا 37 ملرد. تەڭگە قارجى بٶلٸنگەن. رىسكەلدٸ احمەتقاليۇلى قولىنان كەلگەنشە اۋداندى دامىتۋعا ٷلەس قوستى. سول ٷشٸن وبلىس باسشىلىعىنىڭ, اۋدان تۇرعىندارىنىڭ اتىنان راحمەت ايتامىن. رىسكەلدٸ ساتباەۆتىڭ تەجٸريبەسٸ مول, ورتالىق ورگانداردا, قاراعاندى وبلىسىندا, الماتى قالاسىندا جاۋاپتى قىزمەتتەر اتقارعان. سوندىقتان وسى بٸلٸمٸ مەن تەجٸريبەسٸن, پوتەنتسيالىن وبلىستى دامىتۋعا ەلٸ دە باعىتتايتىن بولادى. ال بۇعان دەيٸن رايىمبەك اۋدانىن باسقارعان جولان وماروۆتىڭ تالعار اۋدانىن باسقارۋعا كٷش-جٸگەرٸ, كەسٸبي مٷمكٸندٸگٸ جەتەدٸ دەپ ويلايمىن. بۇل ٶڭٸردەگٸ جىلۋمەن, سۋمەن, گازبەن قامتۋ, سۋ تاسقىنىنىڭ الدىن الۋ,, ەسٸرەسە, ەلەۋمەتتٸك جەنە جەر مەسەلەلەرٸنە كٶپ كٶڭٸل بٶلۋ قاجەت. تۇرعىنداردىڭ ارىز-ٶتٸنٸشتەرٸندە كٶتەرگەن پروبلەمالارىن شەشۋ الدىڭعى قاتاردا تۇرۋى تيٸس, – دەدٸ ا.باتالوۆ.
سونىمەن قاتار وبلىس باسشىسى اۋداندا اتقارىلعان بٸرقاتار ٸستەرگە توقتالىپ ٶتتٸ. ونىڭ ايتۋىنشا, ەكٸمدٸكتٸڭ ۇسىنىسىمەن, ٷكٸمەتتٸڭ قولداۋىمەن جوعارعى تالعار تراسساسىن جاڭعىرتۋ جۇمىستارى جۋىردا باستالادى. سول سيياقتى اۋدانداعى ورتالىقتاندىرىلعان جىلۋ جٷيەسٸنە قوسىلماعان كٶپ قاباتتى ٷيلەردٸ جىلۋ جٷيەسٸنە قوسۋ ٸسٸ قارقىندى جالعاستىرىلاتىنىن دا تٸلگە تيەك ەتتٸ. وبلىس ەكٸمٸ جولان وماروۆتىڭ جۇمىسىنا سەتتٸلٸك تٸلەپ, بيزنەستٸڭ دامۋىنا, ٶنەركەسٸپتٸ ٶركەندەتۋگە قولداۋ تانىتۋدى تاپسىردى.
ٶز كەزەگٸندە ر.ساتباەۆ اۋدان جۇرتشىلىعىنا جەنە ٶزٸنە سەنٸم بٸلدٸرگەن وبلىس باسشىلىعىنا ريزاشىلىعىن ايتىپ, جاڭا ەكٸمنٸڭ جۇمىسىنا تابىس تٸلەدٸ. سول سيياقتى جولان وماروۆ تا ٷلكەن اۋداننىڭ ٶزٸنە ارتىلعان ٷلكەن سەنٸم ەرٸ ٷلكەن جاۋاپكەرشٸلٸك ەكەنٸن جەتكٸزٸپ, جٷكتەلگەن مٸندەتتەردٸ ابىرويمەن اتقاراتىنىنا سەندٸردٸ.
جيىندا تالعار اۋدانىنىڭ قۇرمەتتٸ ازاماتى, اۋداندىق قوعامدىق كەڭەستٸڭ تٶراعاسى ق. بايبولوۆ, № 17 مەكتەپتٸڭ ديرەكتورى, گرەك ەتنومەدەني بٸرلەستٸگٸنٸڭ تٶرايىمى ل. تيفانتسيدي جەنە باسقا دا ازاماتتار وي-پٸكٸر قوسىپ, تٸلەكتەرٸن بٸلدٸردٸ.
الماتى وبلىسى ەكٸمٸنٸڭ باسپاسٶز قىزمەتٸ
