Aqtóbe ákimi Azamat Bekettiń qolastynda istegen sheneýnik Abzal Tilmagambetov jol tańbalary úshin 272 mln teńge kóleminde aqsha qoldanǵany úshin sot aldynda jaýap beredi, dep habarlaidy Dalanews.kz Halyqstan-ǵa silteme jasap.
41 jastaǵy Abzal Tilmagambetov osy ýaqytqa deiin Aqtóbe jol qozǵalysynyń qaýipsizdigin qamtamasyz etý jáne tsifrlyq tehnologiialar ortalyǵynyń direktory qyzmetin atqarǵan.
Bul uiym tikelei qala ákimdiginiń turǵyn úi-kommýnaldyq sharýashylyǵy, jolaýshylar kóligi jáne avtomobil joldary bólimine, iaǵni qala ákimdigine qaraidy.
"Ortalyqtyń negizgi mindetteriniń biri – qala kóshelerine jol tańbalaryn syzý. Tsifrlyq tehnologiialar ortalyǵy bul jumyspen ákimdik beinerolikteriniń áserli montajy men kórkemdigine qaraǵanda, kúndiz-túni ainalysqandai kórindi. Qalada boiaý búrikkish qural timegen asfalt qalmaǵandai áser qaldyrǵan", delingen jazbada.
Alaida jergilikti prokýratýranyń búgingi málimdemeleri bul tek kózboiaýshylyq bolǵanyn kórsetedi. Tergeý málimetinshe, Tilmagambetov «qyzmettik jaǵdaiyn paidalana otyryp, memlekettik satyp alý kelisimsharttary aiasynda jol tańbalaryn syzý boiynsha naqty oryndalmaǵan jumystar úshin 272 mln teńge kólemindegi aktilerge qol qoiǵan».
Jýyrda Tilmagambetov qamaýǵa alyndy. Ol senip tapsyrylǵan bóten múlikti iemdený nemese ysyrap etý baby boiynsha aiyptalýda.
Osy bap boiynsha taǵy bir adam – kásipker Aslan Kýsýmov ta aiyptalyp otyr, alaida ol úiqamaqta.
Qylmystyq is sotqa joldandy.
