Zardap shekkender qatary eldi mekenderdegi joldarda ósken. Jol kólik oqiǵalarynyń profilaktikasy, onyń ishinde adam ólimine alyp keletin oqiǵalardyń aldyn alý máselesi Túrkistan oblysy ákimi Darhan Satybaldynyń tóraǵalyǵymen ótken májilis otyrysynda qaraldy.
Túrkistan oblysy politsiia departamenti bastyǵynyń mindetin atqarýshy Baǵlanbek Aitpaevtyń málimdeýinshe, oblysta 430 myńnan astam avtokólik tirkelgen. Kúnine 25 myńǵa jýyq avtokólik respýblikalyq mańyzy bar joldan ótedi.
Taldaý qorytyndysy boiynsha, jol-kólik oqiǵalary jaz mezgilinde artady. Apattyń kóbi kóliktiń jyldamdyqty asyrýynan, qarsy baǵytqa shyǵýynan, manevr jasaý erejelerin saqtamaýynan bolyp otyr.
Shilde aiynyń ózinde úsh iri jol kólik oqiǵasy tirkelgen. Barlyǵynda qarsy baǵytqa shyǵý sebep bolǵan.
– Jol salasyna qatysty ár derektiń artynda adam taǵdyry turǵanyn umytpaiyq. Joldaǵy apat sany azaimai turǵany aian. Alaida eń bastysy – qaiǵyly oqiǵany boldyrmaýdyń naqty nátije beretin joldaryn taýyp, júzege asyraiyq.
Apatty qalai toqtatamyz? Naqty ne istei alamyz? Osy baǵytqa kúsh salý kerek. Jol qaýipsizdigi qamtamasyz etý men júrgizýshiler arasynda júrgizý tártibin qalyptastyrý boiynsha nátijeli sharalar qabyldanýy qajet.
Oblys aýmaǵynda ornalasqan joldardaǵy jaǵdaidy qatań baqylaýda ustap, túsindirme jumystaryn kúsheitý qajet. Ishimdik pen psihotropty zattardy qoldanyp, kólik basqarǵan azamattar da qaiǵyly oqiǵalardy kóbeitip otyr. Politsiia departamenti osyndai jaǵdailarǵa jol bermeýi kerek. Bul baǵytta jumysty kúsheitińizder, – dedi Túrkistan oblysynyń ákimi Darhan Satybaldy.
Túrkistan oblysy jolaýshylar kóligi jáne avtomobil joldary basqarmasynyń basshysy Rolan Ibragimovtyń baiandaýynsha, joldar men kóshelerde kólik jáne jaiaý júrginshilerdiń qaýipsiz qozǵalysyn qamtamasyz etý jáne qolaily qozǵalysty uiymdastyrý maqsatynda basqarma tarapynan 4 baǵytta jumystar júrgizilýde.
Atap aitqanda, joldardy jóndeý, jaqsy jáne qanaǵatty jaǵdaidaǵy joldardyń úlesin arttyrý, jol belgilerin ornatý, jol tańbalary men jaiaý júrginshi jolaqtaryn syzý, joldarǵa jaryqtandyrý shamdaryn ornatý jáne aiaqjoldar salý.
Túrkistan oblysy aýmaǵyndaǵy jalpy qoldanystaǵy joldar men eldi meken kósheleriniń uzyndyǵy 17 459,34 shaqyrymdy quraidy.
