زارداپ شەككەندەر قاتارى ەلدٸ مەكەندەردەگٸ جولداردا ٶسكەن. جول كٶلٸك وقيعالارىنىڭ پروفيلاكتيكاسى, ونىڭ ٸشٸندە ادام ٶلٸمٸنە الىپ كەلەتٸن وقيعالاردىڭ الدىن الۋ مەسەلەسٸ تٷركٸستان وبلىسى ەكٸمٸ دارحان ساتىبالدىنىڭ تٶراعالىعىمەن ٶتكەن مەجٸلٸس وتىرىسىندا قارالدى.
تٷركٸستان وبلىسى پوليتسييا دەپارتامەنتٸ باستىعىنىڭ مٸندەتٸن اتقارۋشى باعلانبەك ايتپاەۆتىڭ مەلٸمدەۋٸنشە, وبلىستا 430 مىڭنان استام اۆتوكٶلٸك تٸركەلگەن. كٷنٸنە 25 مىڭعا جۋىق اۆتوكٶلٸك رەسپۋبليكالىق ماڭىزى بار جولدان ٶتەدٸ.
تالداۋ قورىتىندىسى بويىنشا, جول-كٶلٸك وقيعالارى جاز مەزگٸلٸندە ارتادى. اپاتتىڭ كٶبٸ كٶلٸكتٸڭ جىلدامدىقتى اسىرۋىنان, قارسى باعىتقا شىعۋىنان, مانەۆر جاساۋ ەرەجەلەرٸن ساقتاماۋىنان بولىپ وتىر.
شٸلدە ايىنىڭ ٶزٸندە ٷش ٸرٸ جول كٶلٸك وقيعاسى تٸركەلگەن. بارلىعىندا قارسى باعىتقا شىعۋ سەبەپ بولعان.
– جول سالاسىنا قاتىستى ەر دەرەكتٸڭ ارتىندا ادام تاعدىرى تۇرعانىن ۇمىتپايىق. جولداعى اپات سانى ازايماي تۇرعانى ايان. الايدا ەڭ باستىسى – قايعىلى وقيعانى بولدىرماۋدىڭ ناقتى نەتيجە بەرەتٸن جولدارىن تاۋىپ, جٷزەگە اسىرايىق.
اپاتتى قالاي توقتاتامىز? ناقتى نە ٸستەي الامىز? وسى باعىتقا كٷش سالۋ كەرەك. جول قاۋٸپسٸزدٸگٸ قامتاماسىز ەتۋ مەن جٷرگٸزۋشٸلەر اراسىندا جٷرگٸزۋ تەرتٸبٸن قالىپتاستىرۋ بويىنشا نەتيجەلٸ شارالار قابىلدانۋى قاجەت.
وبلىس اۋماعىندا ورنالاسقان جولدارداعى جاعدايدى قاتاڭ باقىلاۋدا ۇستاپ, تٷسٸندٸرمە جۇمىستارىن كٷشەيتۋ قاجەت. ٸشٸمدٸك پەن پسيحوتروپتى زاتتاردى قولدانىپ, كٶلٸك باسقارعان ازاماتتار دا قايعىلى وقيعالاردى كٶبەيتٸپ وتىر. پوليتسييا دەپارتامەنتٸ وسىنداي جاعدايلارعا جول بەرمەۋٸ كەرەك. بۇل باعىتتا جۇمىستى كٷشەيتٸڭٸزدەر, – دەدٸ تٷركٸستان وبلىسىنىڭ ەكٸمٸ دارحان ساتىبالدى.
تٷركٸستان وبلىسى جولاۋشىلار كٶلٸگٸ جەنە اۆتوموبيل جولدارى باسقارماسىنىڭ باسشىسى رولان يبراگيموۆتىڭ بايانداۋىنشا, جولدار مەن كٶشەلەردە كٶلٸك جەنە جاياۋ جٷرگٸنشٸلەردٸڭ قاۋٸپسٸز قوزعالىسىن قامتاماسىز ەتۋ جەنە قولايلى قوزعالىستى ۇيىمداستىرۋ ماقساتىندا باسقارما تاراپىنان 4 باعىتتا جۇمىستار جٷرگٸزٸلۋدە.
اتاپ ايتقاندا, جولداردى جٶندەۋ, جاقسى جەنە قاناعاتتى جاعدايداعى جولداردىڭ ٷلەسٸن ارتتىرۋ, جول بەلگٸلەرٸن ورناتۋ, جول تاڭبالارى مەن جاياۋ جٷرگٸنشٸ جولاقتارىن سىزۋ, جولدارعا جارىقتاندىرۋ شامدارىن ورناتۋ جەنە اياقجولدار سالۋ.
تٷركٸستان وبلىسى اۋماعىنداعى جالپى قولدانىستاعى جولدار مەن ەلدٸ مەكەن كٶشەلەرٸنٸڭ ۇزىندىعى 17 459,34 شاقىرىمدى قۇرايدى.
