Májiliste jol-kólik oqiǵasynan zardap shekken tarapqa berilýi tiis saqtandyrý tólemderiniń jańa mólsherlemelerin qarastyratyn qujat qaralýda. Onyń kólemi eki ese ósýi múmkin. Máselen, qazirgi jaǵdaida kólikke zaqym kelgen kezde mindetti avtosaqtandyrý boiynsha tólemniń eń joǵary somasy 600 ailyq eseptik kórsetkishti (AEK), iaǵni 2025 jyly 2 359 200 teńgeni quraidy. Alaida, kóp uzamai bul soma eki ese artýy yqtimal, dep jazady Dalanews.kz.
Qazir QR Parlamenti Májilisiniń depýtattary kólik quraldary ieleriniń azamattyq-quqyqtyq jaýapkershiligin mindetti saqtandyrý týraly zańǵa (MJÁ) engizilgen ózgerister men túzetýler jónindegi zań jobasyn qaraýda.
Qujatta densaýlyqqa ziian keltirgeni úshin jol-kólik oqiǵasynan (JKO) zardap shekkenderge tólenetin saqtandyrý tólemderiniń mynadai shekti mólsherin belgileý usynylady:
- múgedektikke ákelip soqtyrmaǵan jaraqattar – 300 AEK deiin (2025 jyl boiynsha 1 179 600 teńge);
- III- toptaǵy múgedektikke ushyratý - 1 000 AEK deiin (3 932 000 teńge);
- II-toptaǵy múgedektikke ushyratý - 2 400 AEK deiin (9 436 800 teńge);
- I-toptaǵy múgedektikke ushyratý - 3 200 AEK deiin (12 582 400 teńge);
- balanyń múgedektikke ushyraýy - 2 000 AEK deiin (7 864 000 teńge);
- kisi qazasy - 4 000 AEK deiin (15 728 000 teńge);
Zardap shekken adamnyń statsionarda emdelgen árbir kúni úshin saqtandyrý kompaniiasy kem degende 2 AEK (7 864 teńge) tóleýge tiis. Biraq jábirlenýshiniń múlkine ziian keltirgeni úshin saqtandyrý tóleminiń somasyn 1 200 AEK (4 718 400 teńge) deiin ulǵaitý josparlanýda.
Eger zardap shekken adam birnesheý bolsa, onda árqaisysyna beriletin tólem 1200 AEK bolýy múmkin. Alaida zardap shekkenderdiń sanyna qaramastan jalpy shekti kólem bar – barlyǵyna 4 000 AEK, iaǵni 2025 jylǵy esep boiynsha 15 728 000 teńge. Tólem alynǵan zalalǵa qarai proportsionaldy túrde taǵaiyndalady.
