- Jyljymaityn múliktiń bar/joqtyǵy týraly
- Tirkelgen quqyqtar men aýyrtpalyqtar týraly
Mihail Lomtadze, Kaspi.kz basshysy jáne negizin qalaýshylardyń biri:
«BUU málimeti boiynsha Qazaqstan onlain qyzmetter indeksi boiynsha 8-shi orynda. Qazaqstandyqtarǵa kólikti qaita tirkeý, júrgizýshi kýáligin aýystyrý, jeke kásipkerdi tirkeý, memlekettik járdemaqy alý, meditsinalyq-áleýmettik anyqtamalar alý jáne basqa da kóptegen qajetti memlekettik qyzmetter kórsetý úshin bir jerge baryp, kezekke turýdyń qajeti joq. Ári mundai qyzmetter kóbeiip keledi. QR Tsifrlyq damý, innovatsiialar jáne aeroǵarysh ónerkásibi ministrligimen, QR Ádilet ministrligimen jáne «UAT» AQ-men birlesip biz taǵy bir jańa tsifrlyq qyzmetti: jyljymaityn múlik týraly anyqtamany onlain alýdy iske qostyq. Tsifrlyq qyzmetterdi birlesip damytyp, qazaqstandyqtardyń ómirin jaqsartýǵa múmkindik bergen memlekettik organdarǵa rahmet!».
Bekbolat Moldabekov, Ádilet vitse-ministri:
«Búginde mobildi qosymshalar arqyly jyljymaityn múlikke tirkelgen quqyqtar týraly 400 myńǵa jýyq aqparat berildi, bul turǵyndar arasynda joǵary suranysqa ie ekenin kórsetti. Bul fýnktsiia yńǵaily, telefondy birneshe ret basý arqyly siz ózińizge de, balańyzǵa da jyljymaityn múlik anyqtamasyn tegin ala alasyz. Qyzmet aýqymyn ulǵaitý maqsatynda bul aqparattyq qyzmet Kaspi.kz qosymshasynda qoljetimdi boldy»
Rostislav Koniashkin, «Ulttyq aqparattyq tehnologiialar» AQ basqarma tóraǵasy:
Jyljymaityn múliktiń bolýy týraly anyqtamalar qazaqstandyqtar arasynda óte suranysqa ie. Azamattar olardy eGov.kz portaly men eGov mobildi qosymshasynan alady, endi Kaspi.kz qosymshasynda alý múmkindigi bar. Birlesken jumystardyń arqasynda biz Govtech-ti birge damytyp, qyzmetterdi alý úshin qosymsha alańdardy usynyp jatqanymyzǵa qýanyshtymyz.
Jańa qyzmet Kaspi.kz sýper qosymshasynda «Tsifrlyq qujattar/Anyqtamalar» bóliminde qoljetimdi. Jyljymaityn múliktiń bar nemese joqtyǵy týraly anyqtamany nemese tirkelgen quqyqtar men aýyrtpalyqtar týraly anyqtamany qalai alýǵa bolatyny týraly qosymsha aqparatty Kaspi Gid bóliminen qarańyz.
