- جىلجىمايتىن مۇلىكتىڭ بار/جوقتىعى تۋرالى
- تىركەلگەن قۇقىقتار مەن اۋىرتپالىقتار تۋرالى
ميحايل لومتادزە، Kaspi.kz باسشىسى جانە نەگىزىن قالاۋشىلاردىڭ ءبىرى:
«بۇۇ مالىمەتى بويىنشا قازاقستان ونلاين قىزمەتتەر يندەكسى بويىنشا 8ء-شى ورىندا. قازاقستاندىقتارعا كولىكتى قايتا تىركەۋ، جۇرگىزۋشى كۋالىگىن اۋىستىرۋ، جەكە كاسىپكەردى تىركەۋ، مەملەكەتتىك جاردەماقى الۋ، مەديسينالىق-الەۋمەتتىك انىقتامالار الۋ جانە باسقا دا كوپتەگەن قاجەتتى مەملەكەتتىك قىزمەتتەر كورسەتۋ ءۇشىن ءبىر جەرگە بارىپ، كەزەككە تۇرۋدىڭ قاجەتى جوق. ءارى مۇنداي قىزمەتتەر كوبەيىپ كەلەدى. ق ر سيفرلىق دامۋ، يننوۆاسيالار جانە اەروعارىش ونەركاسىبى مينيسترلىگىمەن، ق ر ادىلەت مينيسترلىگىمەن جانە «ۇات» اق-مەن بىرلەسىپ ءبىز تاعى ءبىر جاڭا سيفرلىق قىزمەتتى: جىلجىمايتىن مۇلىك تۋرالى انىقتامانى ونلاين الۋدى ىسكە قوستىق. سيفرلىق قىزمەتتەردى بىرلەسىپ دامىتىپ، قازاقستاندىقتاردىڭ ءومىرىن جاقسارتۋعا مۇمكىندىك بەرگەن مەملەكەتتىك ورگاندارعا راحمەت!».
بەكبولات مولدابەكوۆ، ادىلەت ۆيسە-مينيسترى:
«بۇگىندە ءموبيلدى قوسىمشالار ارقىلى جىلجىمايتىن مۇلىككە تىركەلگەن قۇقىقتار تۋرالى 400 مىڭعا جۋىق اقپارات بەرىلدى، بۇل تۇرعىندار اراسىندا جوعارى سۇرانىسقا يە ەكەنىن كورسەتتى. بۇل فۋنكسيا ىڭعايلى، تەلەفوندى بىرنەشە رەت باسۋ ارقىلى ءسىز وزىڭىزگە دە، بالاڭىزعا دا جىلجىمايتىن مۇلىك انىقتاماسىن تەگىن الا الاسىز. قىزمەت اۋقىمىن ۇلعايتۋ ماقساتىندا بۇل اقپاراتتىق قىزمەت Kaspi.kz قوسىمشاسىندا قولجەتىمدى بولدى»
روستيسلاۆ كونياشكين، «ۇلتتىق اقپاراتتىق تەحنولوگيالار» اق باسقارما ءتوراعاسى:
جىلجىمايتىن مۇلىكتىڭ بولۋى تۋرالى انىقتامالار قازاقستاندىقتار اراسىندا وتە سۇرانىسقا يە. ازاماتتار ولاردى eGov.kz پورتالى مەن eGov ءموبيلدى قوسىمشاسىنان الادى، ەندى Kaspi.kz قوسىمشاسىندا الۋ مۇمكىندىگى بار. بىرلەسكەن جۇمىستاردىڭ ارقاسىندا ءبىز Govtechء-تى بىرگە دامىتىپ، قىزمەتتەردى الۋ ءۇشىن قوسىمشا الاڭداردى ۇسىنىپ جاتقانىمىزعا قۋانىشتىمىز.
جاڭا قىزمەت Kaspi.kz سۋپەر قوسىمشاسىندا «سيفرلىق قۇجاتتار/انىقتامالار» بولىمىندە قولجەتىمدى. جىلجىمايتىن مۇلىكتىڭ بار نەمەسە جوقتىعى تۋرالى انىقتامانى نەمەسە تىركەلگەن قۇقىقتار مەن اۋىرتپالىقتار تۋرالى انىقتامانى قالاي الۋعا بولاتىنى تۋرالى قوسىمشا اقپاراتتى Kaspi گيد بولىمىنەن قاراڭىز.
