Májilis depýtaty Abzal Quspan “Poshta týraly” zań jobasyn talqylaý kezinde jaýapty organdardyń jumysyn synǵa aldy, dep habarlaıdy Dalanews.kz.

Depýtat “Poshta týraly” zańǵa jyl saıyn ózgerister engizilýiniń sebebin túsindirýdi talap etti.

“Poshta týraly” zań 2016 jyly qabyldandy. Bar bolǵany 45 baptan turatyn qysqa ǵana zań. Biraq 2016 jyldan beri bul zańǵa ózgeris engizilmegen birde-bir jyl joq. Jyl saıyn ózgeris engizemiz. Bir jylda bir ret engizilse, túsinýge bolar edi, alaıda biz ony jylyna birneshe retten ózgertip júrmiz. Zańnyń turaqtylyǵyn qashan qamtamasyz etemiz? Bul onyń sapasyz ázirlengenin kórsetpeı me? Nelikten birden tolyq qamtylmaǵan? Toqsan saıyn osy zańdy talqylap otyramyz ba?” – dedi Quspan.

Depýtattyń aıtýynsha, bıyl zańǵa besinshi ret ózgeris engizilmek.

Óz kezeginde Sıfrlyq damý, ınovasıalar jáne aeroǵarysh ónerkásibi vıse-mınıstri Ashat Orazbek zamannyń tez ózgerip jatqanyn alǵa tartty.

“Birneshe jańa servıs paıda boldy. Naryqqa birqatar kompanıa keldi. Sondyqtan ózgerister qajet. Meniń oıymsha, turaqty eshteńe bolmaıdy”, – dep jaýap berdi ol.