– Elordada jyl saiyn 3 mln sharshy metrden astam turǵyn úi salynady. Qalada jylý berý maýsymy shamamen 7 aiǵa sozylatyndyǵyn eskerip, bolashaqta jylý energiiasy tapshylyǵy týyndamas úshin JEO-3 qurylysy qaita bastaldy. Osy rette qalany aralaý barysynda JEO-3 qurylys-montajdaý jumystarynyń barysyn tekserdim, – dedi Altai Kólginov.
JEO-3 6,5 mln sharshy metr turǵyn úidi jylýmen qamtýǵa múmkindik beredi. Sonymen qatar, elordada eki gaz qazandyǵynyń qurylysy qolǵa alynbaq. Olardyń qýaty JEO-3 qýattylyǵynan eki ese asyp túsedi, bul tapshylyq boljanyp otyrǵan ýchaskelerdi jáne bolashaq qurylys ýchaskelerin jylýmen qamtýǵa múmkindik beredi. Mańyzdy strategiialyq nysandy iske qosý 2022-2023 jylǵy jylytý maýsymyna josparlanyp otyr.
– Qoldanystaǵy jylý elektr ortalyqtaryn jańǵyrtý boiynsha jumystar júrgizildi, Aitalyq, JEO-1 jáne JEO-2-de barlyq sý jylytý qazandyqtary gazǵa aýystyryldy. Sondai-aq, qalada gazdandyrý jumystary jalǵasýda. Bul sharalardyń barlyǵy qala turǵyndarynyń ómir súrý jaǵdaiyn jeńildetip qana qoimai, qala ekologiiasyna da oń áser etedi, – dedi qala basshysy.
Jańa úiler men bolashaq qurylys aýdandaryn sýmen jabdyqtaý jáne kárizben qamtamasyz etý úshin SSS-3 (sorǵy-súzgi stantsiiasy) qurylysyn, KTQ-2 (káriz tazartý qondyrǵylary) jobalaýdy júrgizilip jatqanyn ákim atap ótti
