Almaty oblysynyń ortalyǵy Qonaev qalasynyń keshendi damý josparyna sáikes shahardaǵy turǵyn úilerdi tabiǵi gazǵa qosý kózdelgen, – dep habarlaidy Dalanews.kz Almaty oblysy ákiminiń baspasóz qyzmetine silteme jasap.
QR Ulttyq ekonomika ministrliginiń Tabiǵi monopoliialardy retteý komitetiniń Almaty oblysy boiynsha departamentiniń 2021-2023 jyldarǵa arnalǵan jalpy somasy 173225,58 investitsiialyq baǵdarlamasy bektilgen. Bul týraly BAQ ókilderiniń qatysýymen ótken kóshpeli baspasóz máslihatynda málim boldy.
Almaty oblys ortalyǵyn gazǵa qosý máselesine «Qapshaǵai óńiriniń gaz jelileri» JShS tikelei jaýapty. Olar keler jylǵa deiin gaz tartý jumystaryn júrgizetin bolady.
Qazirgi tańda seriktestikpen Qonaev qalasyndaǵy 4-shi yqsham aýdanynda uzyndyǵy 2,82 shaqyrym bolatyn gaz tartý jelileri salynǵan. Kógildir otynnyń qyzyǵyn bir ǵana yqsham aýdanda 787 abonent kórip otyrǵan jaiy bar.
– Bizdiń mindetimiz investitsiialyq baǵdarlama negizinde kópqabatty turǵyn úilerge gaz tartý. 2023 jyly Qonaev qalasyndaǵy 4-shi yqsham aýdandaǵy birqatar úilerge gaz tartyldy. Bizge bólingen 35 mln 800 myń teńgeni tolyqtai igerdik. Biylda 4-shi yqsham aýdandy tolyqtaý gazǵa qosý úshin jumys jasap jatyrmyz. Jyldyń sońyna deiin aiaqtaimyz. Kelesi jyly ekinshi yqsham aýdanda ornalasqan turǵyn úilerge gaz kirgizý jumystary jalǵasyn tabady, – deidi «Qapshaǵai óńiriniń gaz jelileri» JShS-niń qarjylyq direktory Qaiyrjan Ýrazalin.
Mamandardyń aitýynsha, 2024 jyldyń sońyna deiin Qonaev qalasynyń 3,4,5 yqsham aýdandarynda alańishilik gaz kirgizý jelileriniń jumysy aiaqtalady. Investitsiialyq baǵdarlamanyń sheńberinde iske asatyn jumystarǵa 39 mln 432 myń teńge qarjy qarastyrylǵan. Jumys jospar boiynsha júrgizilip, jyl sońyna deiin taǵy 765 abonent kógildir otyndy tutynatyn bolady.
