الماتى وبلىسىنىڭ ورتالىعى قونايەۆ قالاسىنىڭ كەشەندى دامۋ جوسپارىنا سايكەس شاھارداعى تۇرعىن ۇيلەردى تابيعي گازعا قوسۋ كوزدەلگەن، – دەپ حابارلايدى Dalanews.kz الماتى وبلىسى اكىمىنىڭ باسپا ءسوز قىزمەتىنە سىلتەمە جاساپ.
ق ر ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتىنىڭ الماتى وبلىسى بويىنشا دەپارتامەنتىنىڭ 2021-2023 جىلدارعا ارنالعان جالپى سوماسى 173225،58 ينۆەستيسيالىق باعدارلاماسى بەكتىلگەن. بۇل تۋرالى ب ا ق وكىلدەرىنىڭ قاتىسۋىمەن وتكەن كوشپەلى باسپا ءسوز ءماسليحاتىندا ءمالىم بولدى.
الماتى وبلىس ورتالىعىن گازعا قوسۋ ماسەلەسىنە «قاپشاعاي ءوڭىرىنىڭ گاز جەلىلەرى» ج ش س تىكەلەي جاۋاپتى. ولار كەلەر جىلعا دەيىن گاز تارتۋ جۇمىستارىن جۇرگىزەتىن بولادى.
قازىرگى تاڭدا سەرىكتەستىكپەن قونايەۆ قالاسىنداعى 4ء-شى ىقشام اۋدانىندا ۇزىندىعى 2،82 شاقىرىم بولاتىن گاز تارتۋ جەلىلەرى سالىنعان. كوگىلدىر وتىننىڭ قىزىعىن ءبىر عانا ىقشام اۋداندا 787 ابونەنت كورىپ وتىرعان جايى بار.
– ءبىزدىڭ مىندەتىمىز ينۆەستيسيالىق باعدارلاما نەگىزىندە كوپقاباتتى تۇرعىن ۇيلەرگە گاز تارتۋ. 2023 جىلى قونايەۆ قالاسىنداعى 4ء-شى ىقشام اۋدانداعى ءبىرقاتار ۇيلەرگە گاز تارتىلدى. بىزگە بولىنگەن 35 ملن 800 مىڭ تەڭگەنى تولىقتاي يگەردىك. بيىلدا 4ء-شى ىقشام اۋداندى تولىقتاۋ گازعا قوسۋ ءۇشىن جۇمىس جاساپ جاتىرمىز. جىلدىڭ سوڭىنا دەيىن اياقتايمىز. كەلەسى جىلى ەكىنشى ىقشام اۋداندا ورنالاسقان تۇرعىن ۇيلەرگە گاز كىرگىزۋ جۇمىستارى جالعاسىن تابادى، – دەيدى «قاپشاعاي ءوڭىرىنىڭ گاز جەلىلەرى» ءجشس-نىڭ قارجىلىق ديرەكتورى قايىرجان ۋرازالين.
مامانداردىڭ ايتۋىنشا، 2024 جىلدىڭ سوڭىنا دەيىن قونايەۆ قالاسىنىڭ 3،4،5 ىقشام اۋداندارىندا الاڭىشىلىك گاز كىرگىزۋ جەلىلەرىنىڭ جۇمىسى اياقتالادى. ينۆەستيسيالىق باعدارلامانىڭ شەڭبەرىندە ىسكە اساتىن جۇمىستارعا 39 ملن 432 مىڭ تەڭگە قارجى قاراستىرىلعان. جۇمىس جوسپار بويىنشا جۇرگىزىلىپ، جىل سوڭىنا دەيىن تاعى 765 ابونەنت كوگىلدىر وتىندى تۇتىناتىن بولادى.
