Quryltai sailaýy aldyndaǵy partiialar komandalyq teledebatynyń saýalnama qorytyndysy anyqtaldy. Reitingte «Ádilet» partiiasy 60,6 paiyz daýyspen kósh bastap tur, dep habarlaidy dalanews.kz.
Jibek Joly telearnasy tikelei efiri kezinde kórermenge «Qai partiia komandasynyń sózi ótimdi?» degen saýal qoiyldy. Kórermen ekrannyń tómengi jaǵyndaǵy QR-kod arqyly daýys berdi. 2 saǵatqa jýyq aralyqta saýalnamaǵa 165 153 kórermen qatysqan.
Saýalnamany «Jibek Joly» telearnasynyń tapsyrysy boiynsha Qazaqstandyq qoǵamdyq damý institýty júrgizdi.
Onlain daýys berý sailaý ýchaskesinde beriletin resmi daýystyń ornyn almastyrmaidy jáne sailaýǵa qatysýshy partiianyń resmi reitingin bildirmeidi. Bul – kórermenniń komandalyq televiziialyq debatqa qatysqan partiia ókilderiniń jaýaby men belsendiligine berilgen derbes baǵa.
Teledebat qalai ótti?
Teledebattyń basty ereksheligi – pikirtalas komandalyq formatta ótti, iaǵni ár partiiadan eki spikerden qatysty.
Spikerler jerebe arqyly anyqtalǵan retpen sóz aldy:
1. «Aq jol» partiiasy (Bek-Muhamed Jáýkebaev, Ermek Ábildin);
2. Jalpyulttyq sotsial-demokratiialyq partiiasy (Larisa Li, Nurainash Kamalova);
3. «Ádilet» partiiasy (Aijan Aimaǵanova, Mádi Myrzaǵaraev);
4. Qazaqstannyń Halyq partiiasy (Jandos Bidaibekov, Irina Smirnova);
5. «Aýyl» partiiasy (Jazira Sultanqulova, Erbolat Saýryqov);
6. «Baitaq» partiiasy (Amalbek Ómirtai, Almat Turtaev);
7. Respublica partiiasy (Oljas Quspekov, Dinara Shúkijanova).
Debatta 4 raýnd boldy
Birinshi kezeńde ár partiia ókilderi óz ustanymyn ǵana emes, básekelesteriniń baǵdarlamasyna da syni kózqarasyn bildirýge múmkindik aldy.
Ekinshi kezeńde kórermen men jýrnalister spikerlerge suraq qoidy. Saýaldyń bári «Zań men tártip – Ádiletti Qazaqstannyń negizi» taqyrybymen bailanystyrylǵan.
Úshinshi raýndta ár partiia óz tańdaýy boiynsha ózge partiiaǵa suraq qoiyp, ózara pikir talastyrdy.
Sońǵy «Ýáde» dep atalatyn kezeńde árbir partiia ókili Quryltaiǵa sailanǵan jaǵdaida atqarylatyn istiń anyq-qanyǵyn baiandady. Belgilengen 2 minýt ishinde saiasi uiymdardyń aldaǵy jospary, bes jylǵa josparlanǵan mindetteri tarqatyldy.
Aita keteiik, Quryltai sailaýy 23 tamyzda ótedi.
Qazaqstandyqtardyń daýys berýi arqyly 145 depýtat sailanady.
