قۇرىلتاي سايلاۋى الدىنداعى پارتييالار كوماندالىق تەلەدەباتىنىڭ ساۋالناما قورىتىندىسى انىقتالدى. رەيتينگتە «ەدٸلەت» پارتيياسى 60,6 پايىز داۋىسپەن كٶش باستاپ تۇر, دەپ حابارلايدى dalanews.kz.
Jibek Joly تەلەارناسى تٸكەلەي ەفيرٸ كەزٸندە كٶرەرمەنگە «قاي پارتييا كومانداسىنىڭ سٶزٸ ٶتٸمدٸ?» دەگەن ساۋال قويىلدى. كٶرەرمەن ەكراننىڭ تٶمەنگٸ جاعىنداعى QR-كود ارقىلى داۋىس بەردٸ. 2 ساعاتقا جۋىق ارالىقتا ساۋالناماعا 165 153 كٶرەرمەن قاتىسقان.
ساۋالنامانى «Jibek Joly» تەلەارناسىنىڭ تاپسىرىسى بويىنشا قازاقستاندىق قوعامدىق دامۋ ينستيتۋتى جٷرگٸزدٸ.
ونلاين داۋىس بەرۋ سايلاۋ ۋچاسكەسٸندە بەرٸلەتٸن رەسمي داۋىستىڭ ورنىن الماستىرمايدى جەنە سايلاۋعا قاتىسۋشى پارتييانىڭ رەسمي رەيتينگٸن بٸلدٸرمەيدٸ. بۇل – كٶرەرمەننٸڭ كوماندالىق تەلەۆيزييالىق دەباتقا قاتىسقان پارتييا ٶكٸلدەرٸنٸڭ جاۋابى مەن بەلسەندٸلٸگٸنە بەرٸلگەن دەربەس باعا.
تەلەدەبات قالاي ٶتتٸ?
تەلەدەباتتىڭ باستى ەرەكشەلٸگٸ – پٸكٸرتالاس كوماندالىق فورماتتا ٶتتٸ, ياعني ەر پارتييادان ەكٸ سپيكەردەن قاتىستى.
سپيكەرلەر جەرەبە ارقىلى انىقتالعان رەتپەن سٶز الدى:
1. «اق جول» پارتيياسى (بەك-مۇحامەد جەۋكەباەۆ, ەرمەك ەبٸلدين);
2. جالپىۇلتتىق سوتسيال-دەموكراتييالىق پارتيياسى (لاريسا لي, نۇرايناش كامالوۆا);
3. «ەدٸلەت» پارتيياسى (ايجان ايماعانوۆا, مەدي مىرزاعاراەۆ);
4. قازاقستاننىڭ حالىق پارتيياسى (جاندوس بيدايبەكوۆ, يرينا سميرنوۆا);
5. «اۋىل» پارتيياسى (جازيرا سۇلتانقۇلوۆا, ەربولات ساۋرىقوۆ);
6. «بايتاق» پارتيياسى (امالبەك ٶمٸرتاي, المات تۇرتاەۆ);
7. Respublica پارتيياسى (ولجاس قۇسپەكوۆ, دينارا شٷكٸجانوۆا).
دەباتتا 4 راۋند بولدى
بٸرٸنشٸ كەزەڭدە ەر پارتييا ٶكٸلدەرٸ ٶز ۇستانىمىن عانا ەمەس, بەسەكەلەستەرٸنٸڭ باعدارلاماسىنا دا سىني كٶزقاراسىن بٸلدٸرۋگە مٷمكٸندٸك الدى.
ەكٸنشٸ كەزەڭدە كٶرەرمەن مەن جۋرناليستەر سپيكەرلەرگە سۇراق قويدى. ساۋالدىڭ بەرٸ «زاڭ مەن تەرتٸپ – ەدٸلەتتٸ قازاقستاننىڭ نەگٸزٸ» تاقىرىبىمەن بايلانىستىرىلعان.
ٷشٸنشٸ راۋندتا ەر پارتييا ٶز تاڭداۋى بويىنشا ٶزگە پارتيياعا سۇراق قويىپ, ٶزارا پٸكٸر تالاستىردى.
سوڭعى «ۋەدە» دەپ اتالاتىن كەزەڭدە ەربٸر پارتييا ٶكٸلٸ قۇرىلتايعا سايلانعان جاعدايدا اتقارىلاتىن ٸستٸڭ انىق-قانىعىن باياندادى. بەلگٸلەنگەن 2 مينۋت ٸشٸندە ساياسي ۇيىمداردىڭ الداعى جوسپارى, بەس جىلعا جوسپارلانعان مٸندەتتەرٸ تارقاتىلدى.
ايتا كەتەيٸك, قۇرىلتاي سايلاۋى 23 تامىزدا ٶتەدٸ.
قازاقستاندىقتاردىڭ داۋىس بەرۋٸ ارقىلى 145 دەپۋتات سايلانادى.
