«Qazaqmys» korporatsiiasynyń quramyna kiretin Jezqazǵan mys balqytý zaýytynyń (JMZ) ujymy 2026 jylǵy 15 naýryzda jalpyhalyqtyq referendýmǵa shyǵarylatyn Qazaqstan Respýblikasy jańa Konstitýtsiiasynyń jobasyn qoldaitynyn bildirdi, dep habarlaidy Dalanews.kz.
Zaýyttaǵy óndiristik úderiste ár bólimsheniń jáne ár qyzmetkerdiń jumysy qanshalyqty mańyzdy bolsa, memleket aýqymynda da árbir azamattyń qosqan úlesi eldiń ortaq bolashaǵyn aiqyndaidy. Myqty ári turaqty Qazaqstan zańdylyq, ádildik, adam quqyǵyn qurmetteý jáne qoǵam múddesiniń tepe-teńdigi qaǵidalaryna negizdelip qurylady. Jańa Konstitýtsiianyń jobasy osy qundylyqtardy bekitýge, azamattardyń quqyǵy men bostandyǵyn qorǵaýǵa, sondai-aq áleýmettik-ekonomikalyq damý úshin berik quqyqtyq negiz qalyptastyrýǵa baǵyttalǵan.
«Bizdiń ujym úshin referendým – formaldy shara emes, sanaly tańdaý. Biz eldiń erteńi qalai bolatyny árbir azamattyń belsendi qatysýyna bailanysty ekenin túsinemiz. Jaýapkershilik, belsendilik jáne myqty ustanym – bul bizdiń kúndelikti jumysymyzda basshylyqqa alatyn qaǵida», – dep atap ótti kásiporyn qyzmetkerleri.
Zaýyt jumyskerleri belsendi azamattyq ustanym – áleýmettik jaýapkershilik pen memlekettik institýttarǵa degen senimniń ajyramas bóligi dep sanaidy. Olar referendýmdy bolashaq urpaqtyń ómir sapasyn aiqyndaityn quqyqtyq bazany qalyptastyrýǵa beriletin múmkindik retinde qarastyrady.
Jańa Konstitýtsiianyń jobasyn qoldaý Jezqazǵan mys balqytý zaýyty jumyskerleriniń azamattyq ustanymyn ǵana emes, sondai-aq jaýapkershilikke, adaldyqqa jáne ár adamnyń eńbegin qurmetteýge negizdelgen «Qazaqmys» korporatsiiasynyń korporativtik qundylyǵyn da kórsetedi.
JMZ ujymy barlyq qazaqstandyqtardy belsendilik tanytyp, referendýmǵa qatysýǵa jáne birlesken kúsh-jigerdiń arqasynda zańdylyqqa, ádildikke jáne ózara qurmetke negizdelgen eldiń bolashaǵyna úles qosýǵa shaqyrady.
