«قازاقمىس» كورپوراسياسىنىڭ قۇرامىنا كىرەتىن جەزقازعان مىس بالقىتۋ زاۋىتىنىڭ (جمز) ۇجىمى 2026 جىلعى 15 ناۋرىزدا جالپىحالىقتىق رەفەرەندۋمعا شىعارىلاتىن قازاقستان رەسپۋبليكاسى جاڭا كونستيتۋسياسىنىڭ جوباسىن قولدايتىنىن ءبىلدىردى، دەپ حابارلايدى Dalanews.kz.
زاۋىتتاعى وندىرىستىك ۇدەرىستە ءار بولىمشەنىڭ جانە ءار قىزمەتكەردىڭ جۇمىسى قانشالىقتى ماڭىزدى بولسا، مەملەكەت اۋقىمىندا دا ءاربىر ازاماتتىڭ قوسقان ۇلەسى ەلدىڭ ورتاق بولاشاعىن ايقىندايدى. مىقتى ءارى تۇراقتى قازاقستان زاڭدىلىق، ادىلدىك، ادام قۇقىعىن قۇرمەتتەۋ جانە قوعام مۇددەسىنىڭ تەپە-تەڭدىگى قاعيدالارىنا نەگىزدەلىپ قۇرىلادى. جاڭا كونستيتۋسيانىڭ جوباسى وسى قۇندىلىقتاردى بەكىتۋگە، ازاماتتاردىڭ قۇقىعى مەن بوستاندىعىن قورعاۋعا، سونداي-اق الەۋمەتتىك-ەكونوميكالىق دامۋ ءۇشىن بەرىك قۇقىقتىق نەگىز قالىپتاستىرۋعا باعىتتالعان.
«ءبىزدىڭ ۇجىم ءۇشىن رەفەرەندۋم – فورمالدى شارا ەمەس، سانالى تاڭداۋ. ءبىز ەلدىڭ ەرتەڭى قالاي بولاتىنى ءاربىر ازاماتتىڭ بەلسەندى قاتىسۋىنا بايلانىستى ەكەنىن تۇسىنەمىز. جاۋاپكەرشىلىك، بەلسەندىلىك جانە مىقتى ۇستانىم – بۇل ءبىزدىڭ كۇندەلىكتى جۇمىسىمىزدا باسشىلىققا الاتىن قاعيدا»، – دەپ اتاپ ءوتتى كاسىپورىن قىزمەتكەرلەرى.
زاۋىت جۇمىسكەرلەرى بەلسەندى ازاماتتىق ۇستانىم – الەۋمەتتىك جاۋاپكەرشىلىك پەن مەملەكەتتىك ينستيتۋتتارعا دەگەن سەنىمنىڭ اجىراماس بولىگى دەپ سانايدى. ولار رەفەرەندۋمدى بولاشاق ۇرپاقتىڭ ءومىر ساپاسىن ايقىندايتىن قۇقىقتىق بازانى قالىپتاستىرۋعا بەرىلەتىن مۇمكىندىك رەتىندە قاراستىرادى.
جاڭا كونستيتۋسيانىڭ جوباسىن قولداۋ جەزقازعان مىس بالقىتۋ زاۋىتى جۇمىسكەرلەرىنىڭ ازاماتتىق ۇستانىمىن عانا ەمەس، سونداي-اق جاۋاپكەرشىلىككە، ادالدىققا جانە ءار ادامنىڭ ەڭبەگىن قۇرمەتتەۋگە نەگىزدەلگەن «قازاقمىس» كورپوراسياسىنىڭ كورپوراتيۆتىك قۇندىلىعىن دا كورسەتەدى.
جمز ۇجىمى بارلىق قازاقستاندىقتاردى بەلسەندىلىك تانىتىپ، رەفەرەندۋمعا قاتىسۋعا جانە بىرلەسكەن كۇش-جىگەردىڭ ارقاسىندا زاڭدىلىققا، ادىلدىككە جانە ءوزارا قۇرمەتكە نەگىزدەلگەن ەلدىڭ بولاشاعىنا ۇلەس قوسۋعا شاقىرادى.
