«Qazaqmys korporasıasy» JSHS Jezqazǵan baıytý fabrıkasynyń ujymy 2026 jylǵy 15 naýryzda respýblıkalyq referendýmǵa shyǵarylatyn jańartylǵan Konstıtýsıa jobasyn qoldaıdy, dep habarlaıdy Dalanews.kz.

JBF – óndiristik tizbektiń mańyzdy býyny. Ár aýysym saıyn fabrıka sehtarynda myńdaǵan tonna ken óńdelip, joǵary sapaly mys konsentratyna aınalady. Dál osy jerde bolashaq metaldyń sapasy qalyptasady. Fabrıkanyń jumysy joǵary kásibı biliktilikti jáne tehnologıalyq talaptardyń qatań saqtalýyn qajet etedi. Jabdyqtardyń turaqty jumys isteýi, óndiristik úderisterdiń dáldigi men eńbek tártibi túpkilikti nátıjege tikeleı áser etedi.

Fabrıkanyń jumysy aıqyn qaǵıdalar men jeke jaýapkershilikke negizdelgen. Ár jumysker óz telimin biledi. Árkim ózine júktelgen mindetti jaqsy túsinedi. Úderister júıeli ári durys jolǵa qoıylǵan kezde, kásiporyn turaqty jumys isteıdi.

Fabrıka jumyskerleri dál osy qaǵıdattardyń el úshin de asa mańyzdy ekenin aıtady. Barshaǵa birdeı ári túsinikti erejeler turaqtylyqtyń negizin qalaıdy. Ár deńgeıdegi jaýapkershilik júıeni berik ári senimdi etedi. Ónerkásiptik kásiporyn úshin bul ustanymnyń mańyzy aıryqsha. Turaqty quqyqtyq orta damýdy josparlaýǵa, óndiristi jańǵyrtýǵa jáne aldaǵy jyldarǵa batyl jospar qoıyp jumys isteýge múmkindik beredi.

«Biz kún saıyn tártip pen erejeni saqtaý ortaq nátıjege qalaı áser etetinin kórip júrmiz. Ereje barshaǵa birdeı jumys istegen kezde, senim paıda bolady», – deıdi fabrıka jumyskerleri.

Jańartylǵan Konstıtýsıanyń jobasyn qoldaý – ujymnyń sanaly ustanymy. Bul – turaqtylyq, tártip jáne damý jolyndaǵy tańdaý.