«قازاقمىس كورپوراسياسى» ج ش س جەزقازعان بايىتۋ فابريكاسىنىڭ ۇجىمى 2026 جىلعى 15 ناۋرىزدا رەسپۋبليكالىق رەفەرەندۋمعا شىعارىلاتىن جاڭارتىلعان كونستيتۋسيا جوباسىن قولدايدى، دەپ حابارلايدى Dalanews.kz.
جبف – وندىرىستىك تىزبەكتىڭ ماڭىزدى بۋىنى. ءار اۋىسىم سايىن فابريكا سەحتارىندا مىڭداعان توننا كەن وڭدەلىپ، جوعارى ساپالى مىس كونسەنتراتىنا اينالادى. ءدال وسى جەردە بولاشاق مەتالدىڭ ساپاسى قالىپتاسادى. فابريكانىڭ جۇمىسى جوعارى كاسىبي بىلىكتىلىكتى جانە تەحنولوگيالىق تالاپتاردىڭ قاتاڭ ساقتالۋىن قاجەت ەتەدى. جابدىقتاردىڭ تۇراقتى جۇمىس ىستەۋى، وندىرىستىك ۇدەرىستەردىڭ دالدىگى مەن ەڭبەك ءتارتىبى تۇپكىلىكتى ناتيجەگە تىكەلەي اسەر ەتەدى.
فابريكانىڭ جۇمىسى ايقىن قاعيدالار مەن جەكە جاۋاپكەرشىلىككە نەگىزدەلگەن. ءار جۇمىسكەر ءوز تەلىمىن بىلەدى. اركىم وزىنە جۇكتەلگەن مىندەتتى جاقسى تۇسىنەدى. ۇدەرىستەر جۇيەلى ءارى دۇرىس جولعا قويىلعان كەزدە، كاسىپورىن تۇراقتى جۇمىس ىستەيدى.
فابريكا جۇمىسكەرلەرى ءدال وسى قاعيداتتاردىڭ ەل ءۇشىن دە اسا ماڭىزدى ەكەنىن ايتادى. بارشاعا بىردەي ءارى تۇسىنىكتى ەرەجەلەر تۇراقتىلىقتىڭ نەگىزىن قالايدى. ءار دەڭگەيدەگى جاۋاپكەرشىلىك جۇيەنى بەرىك ءارى سەنىمدى ەتەدى. ونەركاسىپتىك كاسىپورىن ءۇشىن بۇل ۇستانىمنىڭ ماڭىزى ايرىقشا. تۇراقتى قۇقىقتىق ورتا دامۋدى جوسپارلاۋعا، ءوندىرىستى جاڭعىرتۋعا جانە الداعى جىلدارعا باتىل جوسپار قويىپ جۇمىس ىستەۋگە مۇمكىندىك بەرەدى.
«ءبىز كۇن سايىن ءتارتىپ پەن ەرەجەنى ساقتاۋ ورتاق ناتيجەگە قالاي اسەر ەتەتىنىن كورىپ ءجۇرمىز. ەرەجە بارشاعا بىردەي جۇمىس ىستەگەن كەزدە، سەنىم پايدا بولادى»، – دەيدى فابريكا جۇمىسكەرلەرى.
جاڭارتىلعان كونستيتۋسيانىڭ جوباسىن قولداۋ – ۇجىمنىڭ سانالى ۇستانىمى. بۇل – تۇراقتىلىق، ءتارتىپ جانە دامۋ جولىنداعى تاڭداۋ.
