«Jetisýdyń jeti batyry» anyqtaldy
Jetisý jerinde batyr azamattarymyz jeterlik. Alaida esimderi elge tanymal bolmai, umyt qalǵandary qanshama. Sol esimderdi jańǵyrtý, tanymal etý, erlikterin bilý maqsatynda «Jetisýdyń jeti batyry» atty jobasy bastaý alyp, alǵashqy jeti batyry da belgili boldy.
Jańa joba belgili jýrnalist, bloger Sandýǵash Dúisenovanyń ideiasy. Búginde ol «Piatyi region» atty qoǵamdyq birlestik quryp, qaiyrly isterdi nasihattaýǵa den qoiǵan.
– Bul kúnde qaisarlyq tanytatyn azamattar kemde-kem. Biraq, kópke topyraq shashýǵa da bolmaidy. Óz ómirin oilanbastan basqa azamat úshin qiyp, qol ushyn sozatyndar da jeterlik. Tipti, ómirden ozǵandarda qanshama. Sondai igi isterdi atqarǵan azamattarymyzdyń eren eńbekterin jańǵyrtý maqsatynda Almaty oblysynyń ishki saiasat basqarmasynyń qoldaýymen baiqaý uiymdastyrdyq, – deidi joba avtory.
Jalpy baiqaýǵa 7 nominatsiia boiynsha, 30-dan astam azamattardyń ótinishteri qabyldanǵan. 7 úmitker áleýmettik jeli arqyly jinalǵan daýys arqyly anyqtaldy.
Baiqaýdyń alǵashqy «Janǵan juldyz» nominatsiiasyn 2012 jyly Qapshaǵai sý qoimasynyń janynda shomylyp júrgen beitanys balany qutqaryp, óz ómirin qurban etken Oljas Quljabekovtyń ata-anasyna tabystady.
– Biyl balamyzdyń aramyzda joqtyǵyna 11 jyl tolyp otyr. Osy ýaqyt ishinde Oljasymyzdyń erligin árdaiym umytpai, ártúrli is-sharalarda eskerip, marapattap jatady. Bir shetinen ata-ana retinde bizge qýanysh, bir jaǵynan balamyzdyń ortamyzda joq bolǵany úlken qaiǵy.Ulymyzdy joqtatpai marapattap jatqan uiymdastyrýshylarǵa alǵysymyzdy bildiremiz, – dedi Oljas Quljabekovtyń ákesi Serik Quljabekov.
Erlik bilekte emes – júrekte. Marapattalǵan 6 úmitkerde óz ortalarynda keńinen tanymal, olar: «Erligi úshin» Qaliev Qanat, «Halyq batyry» Dosymbekov Kadirhan, «Er júrek» nominatsiiasy Abdiev Eldar, «Keiipker» atalymy Arman Bahytbaiuly, «Qaharman qyz» nominatsiiasy Sitasmanova Kamilla, «Júrekten júrekke» nominatsiiasy Volonterskoe dvijenie "LIDER.KZ" siiaqty batyrlarǵa buiyryp, baǵaly syilyqtarmen marapattaldy.
Aita ketý kerek, bul baiqaý óz jalǵasyn tabatyn bolady. Jetisýdyń jeti batyry heshtegimen erligin elge nasihattaýǵa turarlyq esimder týraly habarlamalar jariialaýlaryńyzǵa bolady.
Baljan JUMANBEKOVA, Almaty oblysy
