Almaty oblystyq týrizm basqarmasy men «Wikipedia» jalpyǵa birdei qoljetimdi entsiklopediiasy arasynda memorandým jasaldy. «YouTube» tanymal beinehostinginde «KZ-daǵy demalys. Jetisýǵa saiahat» beineroligi ornalastyryldy.
Oblystyq týrizm basqarmasynyń basshysy Janar Alshymbaevanyń aitýynsha, kásipkerlerdi tsifrlyq quraldardy qoldanýǵa, júktelgen málimetterdi belsendilendirý men saraptaýǵa úiretý jumystary júrýde.
Sol siiaqty sáýirdiń sońynda oblystyq týrizm basqarmasy Tuńǵysh Prezident – Elbasy qorynyń qoldaýymen «Most» biznes-inkýbatorynyń qatysýymen týrizm boiynsha «Global Online Startup Weekend: Covid-19 Edition» birinshi virtýaldy hakaton uiymdastyryldy. Sóitip, týristik sala UNWTO «Healing solutions for tourism challenge» jahandyq bastamaǵa qosyldy. Respýblikanyń ár túkpirinen 200-dei qatysýshy jobaǵa ún qatyp, kóz ilespes jyldamdyqpen ózgeretin búgingi zamanda týrizmdi damytý mindetine ortaq úles qosýǵa niet bildirdi.
Máselen, ótken jyldyń jaz maýsymynda Alakól, Balqash kólderi men Qapshaǵai sý qoimasynda demalǵandar sany 1 725 600 adamǵa jetti, sonyń ishinde Alakólde demalǵandar – 1,3 mln. adam. Ornalastyrý oryndarynyń sany 500-ge jetti, sonyń 244-i – Alakólde, 190-y – Qapshaǵai sý qoimasynda. Jalpy usynylǵan ornalastyrý oryndary men týristik saýyqtyrý qyzmeti 1,5 esege ósip, 9,7 mlrd. teńgeni qurady.
Oblys ákimi baspasóz qyzmetinde habarlaǵandai, óńirde Týrizmdi damytýdyń memlekettik baǵdarlamasyn, respýblikalyq týristifikatsiia kartasyn júzege asyrý baǵytynda júieli jumystar júrgizilýde. Onyń ishinde Almaty oblysynyń taý klasteri men Alakól kóliniń jaǵalaýyn qosa alǵanda úzdik ondyqty damytý qarastyrylǵan.
Atap ótsek, Almaty taý klasteri týrizmniń 5 negizgi túrinen 8 lokatsiiadan turady. 2019 jyly jergilikti biýdjet esebinen Talǵar lokatsiiasynyń injenerlik infraqurylymyn jobalaý bastaldy.
Qazirgi kezde taý klasteri aýmaǵynda jylyna 1,5 mln. týriske qyzmet kórsetetin 50 shaqyrymnan astam shańǵy trassasy, 25 kótergish jumys isteidi. Jobany júzege asyrý nátijesinde qyzmet kórsetý kólemi kúnine 7,5 myń adamnan 65 myń adamǵa deiin, trassa uzyndyǵy 53,3 shaqyrymnan 456 shaqyrymǵa deiin, nómirlik qordyń bir mezgildegi syiymdylyǵy 670-ten 4 myń tósek-orynǵa deiin artady.
Sonymen qatar «Birlik – Almalyq – Rysqulov – Qazstroi – Aq-Bulaq taý kýrorty» avtojolynyń 17 shaqyrymyn jańǵyrtý jumystary júrgizilip, jergilikti biýdjetten 314,0 mln teńge bólindi. «Oi-Qaragai Lesnaya Skazka» kýrortyna deiingi respýblikalyq mańyzdaǵy avtomobil jolynyń 6,2 shaqyrymy 497 mln.teńgege kúrdeli jóndeýden ótti. Sol siiaqty Kólsai kólderi (35 km), Tańbaly mýzei-qoryǵy (38 km, 905.4 mln. teńge), Sharyn shatqaly (11 km, 561 mln. teńge) siiaqty týristik nysandarǵa aparatyn avtomobil joldary salyndy.
