Torǵai óńirinde dúniege kelip, keiin shetel asyrap ketken Jánibekke qatysty jańa málimetter shyqty. Qazir ol týǵan anasyn izdeýdi áli de jalǵastyryp jatyr, dep dalanews.kz tilshisi kznews.kz saityna silteme jasap habarlaidy.
Áleýmettik jelidegi paraqshasynda Jánibek bul izdeýdiń ózi úshin asa mańyzdy ári ońai emes protsess ekenin aitty. Onyń sózinshe, anasyn tabý jolynda belsendi azamattar men zańgerler qoldaý kórsetip keledi. Sonymen qatar sońǵy ýaqytta úmit syilaityn tyń derekter de tabylǵan.
"Sálemetsizder me, qadirli otbasym men dostarym. Sizdermen júrekjardy jańalyǵymdy bóliskim keledi. Qymbat Dosjan men Meiirman Shekeeva jáne taǵy basqa janashyr adamdarmen birge anamdy izdeýdi áli de jalǵastyryp jatyrmyz. Bul izdeýdiń qansha ýaqytqa sozylatynyn naqty bilmeimin. Múmkin uzaqqa jalǵasar, múmkin kútpegen jerden jaqyn arada jaqsy jańalyq bolar. Sońǵy ýaqytta bizge úmit syilaityn birneshe izder kezdesti. Men kún saiyn sizderdi de, anamdy da oilaimyn. Barshańyzǵa tek jaqsylyq tileimin", – dep jazdy Jánibek.
