Shýchinsk qalasyndaǵy «Tsentr plova» kafesindegi jarylystan keiin ustalǵan kásipkerdiń qamaý merzimi taǵy bir aiǵa uzartyldy, dep habarlaidy dalanews.kz.
Aqmola oblysy prokýratýrasynyń málimetinshe, kafe iesi órt qaýipsizdigi talaptarynyń saqtalýyna jaýapty tulǵa retinde kúdikke ilingen. Buǵan deiin sot ony eki aiǵa qamaýǵa alǵan bolatyn.
Tergeý barysynda qylmystyq is boiynsha taǵy eki kúdikti ustaldy. Olar – avtogaz quiý stantsiiasynyń direktory men gaz ballondaryn jetkizýshi.
Tergeý nusqasy boiynsha, kúdiktiler gaz ballondaryn toltyrý jáne tasymaldaý kezinde qaýipsizdik talaptaryn buzǵan bolýy múmkin.
Olardyń áreketi Qylmystyq kodekstiń 306-baby 3-bóligi boiynsha, iaǵni «tutynýshylardyń ómiri men densaýlyǵyna qaýipsiz emes qyzmet kórsetý, abaisyzda eki jáne odan da kóp adamnyń densaýlyǵyna ziian keltirý jáne adam ólimine ákelý» baby boiynsha saralanǵan.
Atalǵan bap boiynsha segiz jylǵa deiin bas bostandyǵynan aiyrý jazasy qarastyrylǵan. Sot sheshimimen kúdiktilerdiń biri qamaýǵa alynsa, ekinshisi úiqamaqqa jiberilgen.
Sonymen qatar is Qylmystyq kodekstiń 292-baby 3-bóligi, iaǵni «órt qaýipsizdigi talaptaryn buzý saldarynan eki jáne odan da kóp adamnyń ólimine ákelý» baby boiynsha da tergelip jatyr.
Bul bap boiynsha bes jyldan on jylǵa deiin bas bostandyǵynan aiyrý jazasy kózdelgen.
Qazir sotqa deiingi tergeý jalǵasyp jatyr. Tergeýshiler oqiǵanyń barlyq mán-jaiyn anyqtap jatyr.
