Jetisý oblysynda politseiler alaiaqtyń áreketin der kezinde áshkereledi, dep habarlaidy Dalanews.kz.
Jetisý oblysyndaǵy saýda ortalyqtarynyń birinde politsiia telefonmen sóilesip turǵan egde jastaǵy áielge nazar aýdarǵan. Áńgime sipaty politseilerge kúdik týdyrǵan.
Zeinetker qobaljyp, bireýdiń nusqaýymen áreket etip jatqandai kóringen. Politsiia qyzmetkerleri belgisiz adamdar zeinetkerge qońyraý shalyp, "tekseris júrgizý" maqsatynda SMS arqyly kelgen kodty aitýdy talap etkenin anyqtaǵan.
"Alaiaqtar onyń atyna 5 million teńge kóleminde nesie rásimdeýge tyrysqan, alaida bank tek 2 million teńgeni maquldaǵan. Dál osy somany zeinetker alaiaqtarǵa aýdarmaq bolǵan. Politsiia qyzmetkerleri telefondy berýdi surap, ózin Aisel dep tanystyrǵan adammen sóilesti. Ol zeinetkerdiń qyzy ekenin aitty, biraq áieldiń aty-jóni men tegin atai almady, bul alaiaqtyq áreketti rastady", - dedi IIM ókili.
