İs-sharanyń ereksheligi Almaty oblysynyń memlekettik qyzmetshileri men ınflúenserleriniń birlesip el aldyna shyǵýy boldy, olardy bir ortaq maqsat-memlekettik qyzmetshilerdiń halyq úshin, atap aıtqanda BAQ ókilderi úshin qoljetimdiligin arttyrý biriktirdi.
– Bizdiń oblysta barlyq buqaralyq aqparat quraldarymen tyǵyz qarym-qatynas ornaǵanyna senimdimin. Eki oblystyq «Jetisý» jáne «Ognı Alataý» gazetterin, sondaı-aq aýdandyq gazetterdi, oblystyq «Jetisý» telearnasyn jáne respýblıkalyq BAQ ókilderin biriktiretin «Ólke tynysy» JSHS memlekettik qyzmetshilerdiń ımıjin árdaıym qoldaıdy. Almaty oblysy aqparattyq keńistikte árdaıym bar ekenin atap ótkim keledi. Meniń oıymsha, mundaı ashyq alańdar búgingi kúni únemi uıymdastyrylýy kerek. Sandýǵash Dúısenova men Qaırat Ábdirahman sıaqty bizdiń qonaqtar keri baılanys mehanızmin qalaı jetildirý kerektigin aıtady dep oılaımyn, – dedi Almaty oblysy ákiminiń orynbasary Rýstam Álı.
«Halyq únine qulaq asatyn memleket» tujyrymdamasy Jetisýda belsendi júzege asyrylýda. Mysaly, Amandyq Batalovtyń qoldaýynyń arqasynda oblystyń barlyq aýdandary men qalalarynda baspasóz hatshylary úshin qosymsha shtat bólindi.
Aýdandarda bolyp jatqan mańyzdy jańalyqtar men oqıǵalar turaqty túrde buqaralyq aqparat quraldarynda jarıalanady. Halyqqa jaqyn jáne qoljetimdi bolý maqsatynda ákimder men ákimdikter áleýmettik jelilerde resmı paraqshalar qurdy.
Tujyrymdamany iske asyrý úshin aýdandar men qalalar ákimderi apta saıyn tikeleı efırge shyǵady. Jyl basynan beri olardyń qatysýymen 40-tan astam brıfıń, onyń ishinde onlaın formatta uıymdastyryldy. Sonymen qatar, aımaqtyń basqarmalary men departamentterinde baspasóz hatshylary bar.
Óz kezeginde «Taldyqorǵandyq» aqparattyq pablıginiń ákimshisi, 100 myń aýdıtorıasy bar bloger Qaırat Ábdirahmanov qazir adamdardyń memlekettik qyzmetshiler týraly túsinigi ózgerip jatqanyn atap ótti. Eger buryn olar tek eresek sheneýnikterdi kórgen bolsa, qazir jas, kreatıvti mamandar basym.
