Jetisý oblysynda 2022-2025 jyldary 1,3 mln. gektar turaqty paidalanylmai jatqan aýyl sharýashylyǵy jerleri anyqtaldy. 712 myń ga jer qaita ainalymǵa engizildi, 603 myń ga memlekettik menshikke qaitaryldy, onyń ishinde aýyl sharýashylyǵy ainalymyna 431 myń ga tartyldy. Qalǵan 172 myń ga jer kelesi jyldyń 1-jartysynda ainalymǵa tartylady. Bul jaiynda oblys ákimi Beibit Isabaevtyń qatysýymen QR Prezidenti janyndaǵy Ortalyq kommýnikatsiialar qyzmeti alańynda ótken brifing barysynda aityldy, dep habarlaidy Dalanews.kz.
- Jetisý oblysy – agrarly aimaq. Bul salada óndirilgen ónimniń jalpy kólemi byltyr 3%-ǵa ósti. Biyl ósim 5% bolady dep kútilýde. Jyl basynan beri aýyl sharýashylyǵyna 25 mlrd.teńge investitsiia tartyldy. 2025-2027 jyldary oblystyń agroónerkásip kesheninde jalpy quny 94,4 mlrd.teńgege 23 investitsiialyq jobany iske asyrý josparlanǵan. Onyń ishinde iri jobalardy atap ótsem, jalpy jobalyq qýaty 18.6 myń tonna bolatyn Panfilov jáne Kóksý aýdandarynda salynatyn eki qus fabrikasy, Tekelidegi qýaty 4 myń tonnalyq jylyjai, Taldyqorǵan qalasynda salynatyn jalpy qýaty 1,6 myń tonnalyq eki balyq sharýashylyǵy nysany bar, - dedi Beibit Isabaev.
Sonymen qatar veterinariia salasyna da nazar aýdarylyp otyr. Bul rette 2023-2025 jyldary oblysta 67 veterinariialyq pýnkt salyndy.
