Jetisý oblysynyń turǵyny ózin birneshe jyldan beri er adam ańdyp júrgenin málimdedi. Bul týraly ol áleýmettik jelide jazdy, dep habarlaidy Dalanews.kz.
Boijetkenniń aitýynsha, bul oqiǵa 16 jasynda bastalǵan. Ózinen edáýir úlken kórshisi alǵashynda tanysýǵa tyrysqan, keiin bailanys nómirlerin taýyp alyp, únemi habarlasyp, jazatyn bolǵan.
Onyń sózinshe, áleýmettik jeli men telefonnan buǵattaǵanyna qaramastan, er adam qaita bailanysqa shyǵa bergen.
Ýaqyt óte qysym kúsheie túsken. Boijetken er adam nekege turýdy talap etkenin aitady. Al qarsylyqtan keiin qoǵamdyq oryndarda janjal shyǵaryp, bailanys ornatýdy toqtatpaǵan.
Onyń aitýynsha, er adam aýyl turǵyndary arasynda ózi týraly qaýeset taratyp, bedeline nuqsan keltirýge tyrysyp júrgen kórinedi. Budan bólek, boijetken ózin ańdyp, keshki ýaqytta kútip alatynyn jáne jumys ornyna baryp janjal shyǵaratynyn da aitty.
Politsiia bul jaitqa qatysty ázirge pikir bildirmedi.
