جەتٸسۋ وبلىسىندا 2022-2025 جىلدارى 1,3 ملن. گەكتار تۇراقتى پايدالانىلماي جاتقان اۋىل شارۋاشىلىعى جەرلەرٸ انىقتالدى. 712 مىڭ گا جەر قايتا اينالىمعا ەنگٸزٸلدٸ, 603 مىڭ گا مەملەكەتتٸك مەنشٸككە قايتارىلدى, ونىڭ ٸشٸندە اۋىل شارۋاشىلىعى اينالىمىنا 431 مىڭ گا تارتىلدى. قالعان 172 مىڭ گا جەر كەلەسٸ جىلدىڭ 1-جارتىسىندا اينالىمعا تارتىلادى. بۇل جايىندا وبلىس ەكٸمٸ بەيبٸت يساباەۆتىڭ قاتىسۋىمەن قر پرەزيدەنتٸ جانىنداعى ورتالىق كوممۋنيكاتسييالار قىزمەتٸ الاڭىندا ٶتكەن بريفينگ بارىسىندا ايتىلدى, دەپ حابارلايدى Dalanews.kz.
- جەتٸسۋ وبلىسى – اگرارلى ايماق. بۇل سالادا ٶندٸرٸلگەن ٶنٸمنٸڭ جالپى كٶلەمٸ بىلتىر 3%-عا ٶستٸ. بيىل ٶسٸم 5% بولادى دەپ كٷتٸلۋدە. جىل باسىنان بەرٸ اۋىل شارۋاشىلىعىنا 25 ملرد.تەڭگە ينۆەستيتسييا تارتىلدى. 2025-2027 جىلدارى وبلىستىڭ اگروٶنەركەسٸپ كەشەنٸندە جالپى قۇنى 94,4 ملرد.تەڭگەگە 23 ينۆەستيتسييالىق جوبانى ٸسكە اسىرۋ جوسپارلانعان. ونىڭ ٸشٸندە ٸرٸ جوبالاردى اتاپ ٶتسەم, جالپى جوبالىق قۋاتى 18.6 مىڭ توننا بولاتىن پانفيلوۆ جەنە كٶكسۋ اۋداندارىندا سالىناتىن ەكٸ قۇس فابريكاسى, تەكەلٸدەگٸ قۋاتى 4 مىڭ توننالىق جىلىجاي, تالدىقورعان قالاسىندا سالىناتىن جالپى قۋاتى 1,6 مىڭ توننالىق ەكٸ بالىق شارۋاشىلىعى نىسانى بار, - دەدٸ بەيبٸت يساباەۆ.
سونىمەن قاتار ۆەتەرينارييا سالاسىنا دا نازار اۋدارىلىپ وتىر. بۇل رەتتە 2023-2025 جىلدارى وبلىستا 67 ۆەتەرينارييالىق پۋنكت سالىندى.
