جەتٸسۋ وبلىسىندا مەملەكەت باسشىسىنىڭ تاپسىرماسىنا سەيكەس ينكليۋزيۆتٸ سپورت كەشەنٸنٸڭ قۇرىلىسى باستالدى. وسىعان وراي بٷگٸن تالدىقورعان قالاسىنداعى قۇرىلىس الاڭىنا ۋاقىت كاپسۋلاسى سالىندى, دەپ حابارلايدى Dalanews.kz جەتٸسۋ وبلىسى ەكٸمٸنٸڭ باسپاسٶز قىزمەتٸنە سٸلتەمە جاساپ.
سالتاناتتى شاراعا وبلىس ەكٸمٸ بەيبٸت يساباەۆ, «قازاقستان حالقىنا» قورىنىڭ باسقارما تٶرايىمى لەززات شىڭعىسباەۆا, ەرەكشە قاجەتتٸلٸگٸ بار سپورتشىلار قاتىستى.
الدىمەن جينالعان قاۋىمدى جاڭا ينكليۋزيۆتٸ نىسان قۇرىلىسىنىڭ باستالۋىمەن وبلىس ەكٸمٸ قۇتتىقتادى.
- مەملەكەت باسشىسى قاسىم-جومارت كەمەلۇلى توقاەۆ ينكليۋزيۆتٸ سپورت ورتالىقتارىن اشۋ تۋرالى تاپسىرما بەرگەن بولاتىن. سوعان سەيكەس بٷگٸن ارنايى سپورت كەشەنٸنٸڭ قۇرىلىسىن باستاپ وتىرمىز. بولاشاقتا بۇل نىسان 22 سپورت تٷرٸنەن كەسٸبي شەبەرلٸكتٸ جەتٸلدٸرۋگە مٷمكٸندٸك بەرەدٸ. جالپى, بٸزدٸڭ ٶڭٸردە پاراسپورت قارقىندى دامىعان. وبلىس قۇرىلعاننان بەرٸ پاراسپورتشىلارىمىز تٷرلٸ دەڭگەيدەگٸ جارىستاردا جالپى سانى 1300-دەن استام مەدال يەلەندٸ. مەن بارلىق پاراسپورتشىلارعا ٶمٸردٸڭ تٷرلٸ قيىندىقتارىنا مويىماي, سپورتپەن اينالىسىپ, قازاقستاننىڭ اتىن شىعارىپ, كٶك تۋىمىزدى جەلبٸرەتٸپ جٷرگەنٸ ٷشٸن ٷلكەن العىسىمدى ايتامىن. بٸز بۇدان بىلاي دا پاراسپورتتى ارى قاراي دامىتۋدى جالعاستىرامىز, - دەگەن بەيبٸت يساباەۆ وسى جوباعا قارجىلاي قولداۋ كٶرسەتكەن «قازاقستان حالقىنا» قوعامدىق قورىنا شىنايى ريزاشىلىعىن بٸلدٸردٸ.
مۇنان سوڭ سٶز العان قوردىڭ باسقارما تٶرايىمى لەززات شىڭعىسباەۆا بۇل ورتالىقتى سالۋ قولجەتٸمدٸ ورتانى قالىپتاستىرۋ جولىنداعى ماڭىزدى قادام ەكەندٸگٸن اتاپ ٶتتٸ.
- بٸز بۇعان دەيٸن استانا جەنە قىزىلوردا قالالارىندا وسىنداي ينكليۋزيۆتٸ سپورت ورتالىقتارىن سالدىق, بٷگٸن ٷشٸنشٸ بولىپ تالدىقورعاندا قۇرىلىسى باستالىپ وتىر. بۇل جەردە تەك سپورتپەن شۇعىلدانۋ عانا ەمەس, سونىمەن قاتار وڭالتۋعا ارنالعان قۇرال-جابدىقتار بولادى, مەديتسينا بٶلٸمدەرٸ قاراستىرىلادى, ٶيتكەنٸ ەرەكشە قاجەتتٸلٸگٸ بار ازاماتتار ٷشٸن ونىڭ ٶز بەكٸتٸلگەن ستاندارتتارى بار. سول سيياقتى قوردىڭ قارجىسىنا ٷشتٶبەدە سپورت كەشەنٸ سالىنادى, - دەدٸ ل. شىڭعىسباەۆا.
بۇدان ەرٸ ٸشٸنە كەلەشەك ۇرپاققا ارنالعان امانات حاتى بار ۋاقىت كاپسۋلاسىن سالۋ رەسٸمٸ اتقارىلدى.
ٶز كەزەگٸندە پاراپاۋەرليفتينگٸدەن قازاقستان رەسپۋبليكاسىنىڭ ەڭبەك سٸڭٸرگەن سپورت شەبەرٸ, ريو پاراليمپيادا ويىندارىنىڭ كٷمٸس جٷلدەگەرٸ, ەلەم چەمپيوناتىنىڭ جەنە قازاقستان رەسپۋبليكاسىنىڭ بٸرنەشە دٷركٸن چەمپيونى راۋشان قويشىباەۆا:
- مۇنداي قولداۋ بٸزگە, سپورتشىلارعا ٷلكەن موتيۆاتسييا بەرەدٸ, كٷش-جٸگەرٸمٸزدٸ ەسەلەي تٷسەدٸ. وسىدان بٸرنەشە جىل بۇرىن استاناداعى پاراليمپيادا جاتتىعۋ ورتالىعىنا كٸرگەندە كەرەمەت قىزىققان ەدٸم. ونداي زالدا سپورتشى بارلىق جاعىنان ىڭعايلى بولعاندىقتان راحاتتانىپ تۇرىپ جاتتىعۋ جاسايدى. سول كەزدە بٸزدە قاشان سالىنادى ەكەن دەپ ارمانداپ ەدٸم. بٷگٸن, مٸنە, سول ارمانىمىز ورىندالاتىن كٷنگە دە جەتتٸك. بٸز الداعى ۋاقىتتا دا حالىقارالىق ارەنالاردا بارىمىزدى سالىپ, ەلدٸڭ نامىسىن ابىرويمەن قورعاي بەرەمٸز, - دەدٸ ول.
سالتاناتتى شارا سوڭىندا وبلىس ەكٸمٸ مەن قور باسشىسى سپورتشىلارمەن تٸلدەسٸپ, جاڭا كەشەننٸڭ مٷمكٸندٸكتەرٸ, بۇدان بٶلەك قولعا الىناتىن باسقا دا جوبالار جايلى بايانداپ بەردٸ.
جالپى اۋدانى 2 641 م² بولاتىن ينكليۋزيۆتٸ سپورت كەشەنٸندە ەمبەباپ سپورت زالى, مامانداندىرىلعان جاتتىعۋ الاڭدارى, كٷرەس جەنە كٷشتٸك دايىندىق زالدارى, وق اتۋ تيرٸ, ساداق اتۋ الاڭى, مەديتسينالىق بلوك, سونداي-اق جاتتىعۋلار, جارىستار مەن وڭالتۋ ٸس-شارالارىن ٶتكٸزۋگە قاجەتتٸ ينفراقۇرىلىم قاراستىرىلعان. نىسان كەدەرگٸسٸز ورتا قاعيداتتارىن ەسكەرە وتىرىپ جوبالانعان جەنە بٸر مەزگٸلدە 150-گە دەيٸن كەلۋشٸنٸ قابىلداي الادى. عيمارات حالىقتىڭ جٷرٸپ-تۇرۋى شەكتەۋلٸ توپتارىنا بەيٸمدەلگەن جولاۋشىلار ليفتٸسٸمەن جابدىقتالادى.
جوبانى ٸسكە اسىرۋ ەرەكشە قاجەتتٸلٸكتەرٸ بار ادامداردىڭ سپورتپەن تۇراقتى تٷردە اينالىسۋعا تارتىلۋىنا, ولاردىڭ فيزيكالىق جەنە پسيحولوگييالىق دەنساۋلىعىن نىعايتۋعا, سونداي-اق ەلەۋمەتتٸك بەيٸمدەلۋ مەن قوعامدىق ٶمٸرگە قاتىسۋ مٷمكٸندٸكتەرٸن كەڭەيتۋگە ىقپال ەتەدٸ.
اتاپ ٶتسەك, قازٸرگٸ تاڭدا وبلىستاعى «دەنە مٷمكٸندٸكتەرٸ شەكتەۋلٸ تۇلعالارعا ارنالعان سپورتتىق دايارلاۋ ورتالىعى» كمم-ٸندە سپورتشىلار سپورتتىڭ 24 تٷرٸمەن شۇعىلدانادى. سونىڭ ٸشٸندە پاراليمپيالىق جەنە پاراليمپيالىق ەمەس, سۋردليمپيالىق جەنە سۋردليمپيالىق ەمەس, ارنايى وليمپيادا سپورت تٷرلەرٸ بار. قازٸرگٸ تاڭدا ورتالىقتا 360 سپورتشى جٷيەلٸ تٷردە سپورتپەن اينالىسادى. ونىڭ ٸشٸندە 287 سپورتشى - سپورتتىق اتاقتار مەن سپورتتىق رازريادتاردىڭ يەگەرلەرٸ. سول قاتاردا اۋىر اتلەتيكادان پاراليمپيادا ويىندارىنىڭ كٷمٸس جٷلدەگەرٸ راۋشان قويشىباەۆا, گرەك-ريم كٷرەسٸنەن سۋردليمپيادا ويىندارىنىڭ قولا جٷلدەگەرٸ رامازان ەبدراسٸل, پاراپاۋەرليفتينگتەن ەلەم چەمپيونى راحمەتجان حاماەۆ سيياقتى سپورت جۇلدىزدارى بار.
