Jetisýda «Taza Qazaqstan» baǵdarlamasy aiasynda senbilik uiymdastyrylyp, oǵan jalpy sany 11 myńnan astam jetisýlyq turǵyn qatysty,– dep habarlaidy Dalanews.kz
Senbilikte oblys ákimi Beibit Isabaev, memlekettik jáne biýdjettik sala qyzmetkerleri, eńbek ujymdary, qoǵamdyq uiymdar, aýyldar men qalalardyń turǵyndary boldy. Tazalyq sharasynda oblys aýmaǵyndaǵy eldi mekender túgel qamtylyp, kóshelerdiń boiynda, saiabaq, skver, alleialarda sanitarlyq tazalaý jumystary júrgizildi.
Jalpy osy kúni oblys boiynsha senbilikke 11 490 adam, 66 tehnika jumyldyrylyp, 788 tonna qoqys shyǵaryldy.
- Búgin senbilikte Taldyqorǵandaǵy Nazarbaev kóshesiniń boiynda Qaratal ózeniniń mańyn tazarttyq. Ár senbide ótkiziletin mundai sharalar qala tazalyǵyna, ekologiialyq mádenietimizdi qalyptastyrýǵa óziniń jaqsy áserin tigizedi dep oilaimyn. Oǵan qosa senbi kúnderi otbasy múshelerimen birge óz turǵyn úiimizdiń mańaiyn tazalaýdy da turaqty dástúrge ainaldyrdyq. Jalpy mundai senbilikter qorshaǵan orta úshin de, turǵyndardyń ózi úshin de paidaly ekenin uǵynyp, árqaisymyz da úles qosýymyz kerek, - deidi qala turǵyny Marjan Serikbaeva.
Kóktemgi tazalyq sharalarymen qatar bul kúni kógaldandyrýǵa da kóńil bólindi. Jalpy biyl 120 myń kóshet otyrǵyzý josparlanǵan, sonyń ishinde búgin «Bárimiz birge» aktsiiasynyń aiasynda 1 360 aǵash otyrǵyzyldy, sonyń 1 160-y japyraqty, 200-i - qylqan japyraqty.
