Jetisý oblysynda Qazaqstan halqy Assambleiasynyń 30 jyldyǵyna arnap mýral salyndy. Taldyqorǵan qalasyndaǵy kóp qabatty úilerdiń biriniń qabyrǵasyna salynǵan bul sýret Assambleianyń el birligin, tatýlyq pen turaqtylyqty saqtaýdaǵy rólin aishyqtap tur,- dep habarlaidy Dalanews.kz
Bul teńdessiz art-nysan – Qazaqstan halqy Assambleiasynyń 30 jyldyq mereitoiyna arnalǵan, elimizdegi etnostardyń tatýlyǵyn, dostyǵyn jáne mádeni ortasyn beineleitin erekshe kórkem týyndy. Sýrette túrli etnos ókilderi, ulttyq oiý-órnek, dostyqty bildiretin simvoldar men Assambleianyń mereitoiyna qatysty elementter kórinis tapqan. Mýraldy jas qazaqstandyq sýretshiler toby birlesip saldy. Jobanyń ideiasy men kórkemdik tujyrymdamasy Jetisý oblysy Qazaqstan halqy Assambleiasy men jergilikti shyǵarmashylyq uiymdardyń qoldaýymen júzege asyryldy.
- Jetisý oblysynda «Birlik pen kelisimniń 30 jyly» uranymen mereitoilyq data aiasynda san túrli is-shara ótkizilýde. Mýral oblystyq Qazaqstan halqy Assambleiasy músheleriniń bastamasymen salyndy. Qabyrǵa sýretinde túrli etnostyń ortaq bolashaǵy, ulttyq qundylyqtardy biriktiretin beineler qamtylǵan. Ár element – halqymyzdyń ortaq tarihy men mádenietine kórsetilgen qurmet, - deidi Jetisý oblysynyń «Qoǵamdyq kelisim» KMK basshysy Erkebulan Aqbolatov.
Mýral salynǵan «Qaratal» shaǵyn aýdany, 18/2-úidiń turǵyny Olesia Alahverdieva da pikirin bildirdi:
– Mundai art-nysandar qalamyzdy kórkeitip qana qoimai, tereń maǵynaly oidy jetkizetini qýantady. Sondyqtan olardy óte mańyzdy dep esepteimin. Ári kóz qýantady, ári halqymyzdyń san alýan mádenietke bai ekenin, beibitshilik pen dostyqtyń, birlik pen tatýlyqtyń qundylyǵy qanshalyqty joǵary ekenin aishyqtap tur, – dedi ol.
