Jetisýda Prezident tapsyrmasyn iske asyrý joldary talqylandy
Basqosýda oblys ákimi Amandyq Batalov Memleket basshysynyń elimizdiń ekonomikalyq ósimi ótken jyldyń qorytyndysy boiynsha 4 protsent, infliatsiia 7 protsent tóńireginde bolǵanyna toqtalyp, aldymyzǵa budan da joǵary mindetter qoiýymyz kerektigin tapsyrǵanyn aitty.
– Elbasy aldymyzǵa birneshe naqty mindetter qoiyp otyr. Atap aitqanda, ekonomikadaǵy qaita óńdeý sektorynyń úlesin ulǵaitý, ónerkásipke ozyq tehnologiialardy engizý men kásiporyndardyń eksportqa baǵyttalýyn arttyrý, qoldanystaǵy Erkin ekonomikalyq aimaqtardyń jumysyn saraptap, EEA-lardy óńir ekonomikasyna investitsiia tartý máseelsin basa aitty. Atalǵan baǵyttar boiynsha bizde jumystar bastalǵan, endigi mindet sony sapaly deńgeidi ári qarai jalǵastyrý. Iaǵni, trans ulttyq kompaniialardyń qatysýymen, sonymen qatar otandyq jáne sheteldik investorlardy tartý arqyly qolǵa alynǵan jobalardyń júzege asyrylýyna erekshe nazar aýdarýymyz kerek. Sonymen qatar «Nurly jol», «Nurly jer» memlekettik baǵdarlamalaryn odan ári júzege asyrýdyń mehanizmderin naqtylap, qarjynyń tiimdi jumsalýyn qatań baqylaýda ustaý tapsyryldy, – dedi A. Batalov.
«Nurly jol» baǵdarlamasy negizinde oblystyń aýmaǵynan ótetin 4 birdei joldyń jýyrda bastalatyn kúrdeli jóndeý jumystary men qurylysy óńirdiń damýyna airyqsha yqpal etetinin de atap ótti. Taldyqorǵan – Óskemen, Úsharal – Dostyq, Molaly – Balqash joldarynyń jóndelýmen qatar Úlken Almaty ainalma avtokólik jolynyń (BAKAD) qurylysy da bastalady dep kútilýde.
Sondai-aq, Elbasy «100 naqty qadam» Ult josparynyń barlyq baǵytynyń oryndalýyn qamtamasyz etýdi tapsyrǵan bolatyn. Oblys ákimi bul jóninde sút, et óndirý men óńdeýdi, mindetti áleýmettik meditsinalyq saqtandyrýdy engizýge daiyndyq protsesterin jyldamdatýdy, sonyń ishinde ózin-ózi jumyspen qamtyǵandardyń sanyn azaitý, óńirlerde, ásirese iri kásiporyndarda eńbek quqyqtary jan-jaqty qarastyrylǵan jumys berýshi – jumysshy – kásipodaq úshtiginiń úsh jaqty eńbek kelisiminiń mindetti túrde bolýyn qadaǵalaý máselelerine basa nazar aýdardy. Aýdan, qala ákimderine osy tapsyrmalarmen qatar, 2018 jylǵa ár óńirdiń turǵyn úi qurylysynyń qarqynyn báseńdetpeý, shaǵyn jáne orta biznesti qoldaý, jergilikti ózin-ózi basqarý júiesiniń talaby boiynsha eldi mekender biýdjetiniń qalyptasýy men onyń oryndy jumsalýyn baqylaý,jańa jumys oryndaryn ashý isine erekshe nazar aýdarý eskertildi.
Osy jiynda A. Batalov «Nurly jer» baǵdarlamasymen salyna bastaǵan Taldyqorǵandaǵy kottedj qalashyǵynyń qurylysyna qatysty syn aitty. Ondaǵy jumys istep jatqan qurylysshylar sany men jumystyń atqarylý aýqymyna kóńili tolmaǵan oblys ákimi qala ákimdigine jumysty qýzaýdy tapsyrdy.
Oǵan qosa óńir basshysy tsifrlandyrýǵa jappai kirisý kerektigin eske saldy. Máselen,oblysta qolǵa alynǵan «Jetisý 360» virtýaldy jobasy arqyly qalaǵan adam Taldyqorǵan qalasyndaǵy eki mýzeidi onlain formatta tamashalai alady. Naýryz aiynyń sońyna deiin osyndai formatqa oblystaǵy iri mýzeilerdiń bári engizilmek. Tsifrlandyrýdyń jarqyn úlgisi retinde jobany tilge tiek etken oblys basshysy A. Batalov barlyq sala basshylary, aýdan, qala ákimderi osyndai jańashyldyqtardy qolǵa alýy kerektigin qadap aitty.
Munan keiin oblys ákiminiń birinshi orynbasary L. Turlashov, oblys ákiminiń orynbasarlary, S. Beskempirov, J. Tuiaqov, J. Omar, oblys ákimi apparatynyń basshysy B. Baijumanov jáne oblystyq basqarma basshylary sóz alyp, óz salalaryna qatysty josparlarymen bólisip, túiini sheshilmegen, qoldaýdy qajet etetin máselelerdi talqyǵa saldy.
Talqylanǵan jáne naqty tapsyrmalar berilgen baǵyttar qatarynda sý tasqynynyń aldyn alý sharalary, irrigatsiialyq júielerdi jóndeý, qurylysy júrip jatqan áleýmettik mańyzdy nysandardyń salyný sapasyn baqylaý, ana men bala ólimine jol bermeý jáne basqa da máseleler bar.
– Elbasy tapsyrmalarynyń, Joldaýdaǵy aitylǵan 10 basym baǵyttyń negizinde 2018 jylǵy jumysymyzdyń josparyn quryp, baǵytymyzdy belgilep aldyq. Endi eń bastysy árkim óz jaýapkershiligine alǵan salasyn búge-shigesine deiin qadaǵalap, janashyrlyqpen jumys istese, sonda ǵana isimiz alǵa basady, ilgeri jyljidy, – dedi A. Batalov qorytyndy sózinde.
Almaty oblysy ákiminiń baspasóz qyzmeti
https://dalanews.kz/33458
