Is-shara etnosaralyq qaqtyǵystardyń aldyn alý men sheshýde mediativtik tásildi qoldaný daǵdylaryn úiretýge baǵyttalǵan.
Seminar Qazaqstan halqy Assambleiasynyń túrli etnomádeni birlestikteri men qoǵamdyq qurylymdarynyń qatysýshylaryn, sondai-aq janjaldardy sheshýge qatysatyn belsendiler men mediatorlardy tartty.
Seminardyń lektorlary retinde QHA mediatsiia keńesiniń tóraǵasy Sherzod Pýlatov, QR MAM «Qoǵamdyq kelisim» RMM bas sarapshysy Talshin Italieva, «Parasat» mediatsiia jáne quqyq ortalyǵy JM kásibi mediatory jáne jattyqtyrýshysy Muhtar Adaev jáne konfliktolog psiholog Rezeda Baimuhametova sóz sóiledi.
– Mediatsiia – jańa ári mańyzdy baǵyt. Bul ár túrli qaqtyǵystardy sheshýge kómektesedi. Sonymen qatar, etnomediatsiia ádettegiden túbegeili erekshelenip, psihologiialyq aspektilerge áser etedi. Mediatsiianyń sottan eń basty aiyrmashylyǵy – utqan, utylǵan degen tarap bolmaidy, sebebi olar eki jaqqa qolaily mámilege kelýi kerek, – dep bilikti maman Rezeda Baimuhametova oiyn ortaǵa saldy.
Is-sharaǵa qatysýshylar etnosaralyq mediatsiiany júrgizýdiń erekshelikterimen jáne mediatsiia sessiiasynda zertteý kezeńderimen tanysty. Dáris mediatsiianyń etnosaralyq qaqtyǵystardyń aldyn alýǵa jáne sheshýge qalai yqpal etetinin tereńirek túsinýge múmkindik berdi.
Sonymen qatar, seminarǵa qatysýshylar janjaldardyń psihologiialyq aspektileri, sonyń ishinde jeke tulǵanyń psihodiagnostikasy týraly keń bilim aldy. Bul oqytý janjalǵa qatysýshylarmen olardyń qajettilikteri men emotsionaldyq kúilerin túsine otyryp, tiimdirek jumys isteýge múmkindik beredi.
Qazaqstan halqy Assambleiasy mediatsiia keńesiniń tóraǵasy Sherzod Pýlatov óz sózinde qazirgi álemdegi mediatsiianyń mańyzdylyǵyn atap ótti. Ol mediatsiia salasyndaǵy tájiribesimen jáne jetistikterimen bólisti, sondai-aq qatysýshylardy Qazaqstanda osy salada júrgizilip jatqan ózekti jumystarmen tanystyrdy.
Seminar Qazaqstandaǵy mediatsiia institýtyn damytý úshin mańyzdy oqiǵa bolyp qatysýshylardyń bilimi men daǵdylaryn baiytýǵa yqpal etti, bul mediatorlarǵa etnosaralyq qaqtyǵystardy tiimdirek sheshýge jáne olarǵa kásibi qatysýǵa múmkindik beredi. Mediatsiia ár túrli etnostar arasyndaǵy beibitshilik pen kelisimdi nyǵaitýda mańyzdy ról atqarýdy jalǵastyrýda jáne osy túrdegi seminarlar onyń odan ári damýy men taralýyna yqpal etedi.
