ءىس-شارا ەتنوسارالىق قاقتىعىستاردىڭ الدىن الۋ مەن شەشۋدە مەدياتيۆتىك ءتاسىلدى قولدانۋ داعدىلارىن ۇيرەتۋگە باعىتتالعان.
سەمينار قازاقستان حالقى اسسامبلەياسىنىڭ ءتۇرلى ەتنومادەني بىرلەستىكتەرى مەن قوعامدىق قۇرىلىمدارىنىڭ قاتىسۋشىلارىن، سونداي-اق جانجالداردى شەشۋگە قاتىساتىن بەلسەندىلەر مەن مەدياتورلاردى تارتتى.
سەميناردىڭ لەكتورلارى رەتىندە قحا مەدياسيا كەڭەسىنىڭ ءتوراعاسى شەرزود پۋلاتوۆ، ق ر مام «قوعامدىق كەلىسىم» رمم باس ساراپشىسى تالشين يتالييەۆا، «پاراسات» مەدياسيا جانە قۇقىق ورتالىعى جم كاسىبي مەدياتورى جانە جاتتىقتىرۋشىسى مۇحتار ادايەۆ جانە كونفليكتولوگ پسيحولوگ رەزەدا بايمۇحامەتوۆا ءسوز سويلەدى.
– مەدياسيا – جاڭا ءارى ماڭىزدى باعىت. بۇل ءار ءتۇرلى قاقتىعىستاردى شەشۋگە كومەكتەسەدى. سونىمەن قاتار، ەتنومەدياسيا ادەتتەگىدەن تۇبەگەيلى ەرەكشەلەنىپ، پسيحولوگيالىق اسپەكتىلەرگە اسەر ەتەدى. مەدياسيانىڭ سوتتان ەڭ باستى ايىرماشىلىعى – ۇتقان، ۇتىلعان دەگەن تاراپ بولمايدى، سەبەبى ولار ەكى جاققا قولايلى مامىلەگە كەلۋى كەرەك، – دەپ بىلىكتى مامان رەزەدا بايمۇحامەتوۆا ويىن ورتاعا سالدى.
ءىس-شاراعا قاتىسۋشىلار ەتنوسارالىق مەدياسيانى جۇرگىزۋدىڭ ەرەكشەلىكتەرىمەن جانە مەدياسيا سەسسياسىندا زەرتتەۋ كەزەڭدەرىمەن تانىستى. ءدارىس مەدياسيانىڭ ەتنوسارالىق قاقتىعىستاردىڭ الدىن الۋعا جانە شەشۋگە قالاي ىقپال ەتەتىنىن تەرەڭىرەك تۇسىنۋگە مۇمكىندىك بەردى.
سونىمەن قاتار، سەمينارعا قاتىسۋشىلار جانجالداردىڭ پسيحولوگيالىق اسپەكتىلەرى، سونىڭ ىشىندە جەكە تۇلعانىڭ پسيحودياگنوستيكاسى تۋرالى كەڭ ءبىلىم الدى. بۇل وقىتۋ جانجالعا قاتىسۋشىلارمەن ولاردىڭ قاجەتتىلىكتەرى مەن ەموسيونالدىق كۇيلەرىن تۇسىنە وتىرىپ، تيىمدىرەك جۇمىس ىستەۋگە مۇمكىندىك بەرەدى.
قازاقستان حالقى اسسامبلەياسى مەدياسيا كەڭەسىنىڭ ءتوراعاسى شەرزود پۋلاتوۆ ءوز سوزىندە قازىرگى الەمدەگى مەدياسيانىڭ ماڭىزدىلىعىن اتاپ ءوتتى. ول مەدياسيا سالاسىنداعى تاجىريبەسىمەن جانە جەتىستىكتەرىمەن ءبولىستى، سونداي-اق قاتىسۋشىلاردى قازاقستاندا وسى سالادا جۇرگىزىلىپ جاتقان وزەكتى جۇمىستارمەن تانىستىردى.
سەمينار قازاقستانداعى مەدياسيا ينستيتۋتىن دامىتۋ ءۇشىن ماڭىزدى وقيعا بولىپ قاتىسۋشىلاردىڭ ءبىلىمى مەن داعدىلارىن بايىتۋعا ىقپال ەتتى، بۇل مەدياتورلارعا ەتنوسارالىق قاقتىعىستاردى تيىمدىرەك شەشۋگە جانە ولارعا كاسىبي قاتىسۋعا مۇمكىندىك بەرەدى. مەدياسيا ءار ءتۇرلى ەتنوستار اراسىنداعى بەيبىتشىلىك پەن كەلىسىمدى نىعايتۋدا ماڭىزدى ءرول اتقارۋدى جالعاستىرۋدا جانە وسى تۇردەگى سەمينارلار ونىڭ ودان ءارى دامۋى مەن تارالۋىنا ىقپال ەتەدى.
