Búgin Jetisý oblysy ákiminiń orynbasary Marlen Kólbaev Eskeldi aýdanyndaǵy órt shyqqan úiden 7 adamdy qutqarǵan meditsina mamandaryn qabyldap, oblys ákiminiń atynan marapat tapsyrdy. Kezdesýge oblystyq densaýlyq saqtaý basqarmasynyń basshysy Asqar Sadyqov pen oblystyq jedel jáne shuǵyl meditsinalyq járdem stantsiiasynyń direktory Savelii Pak qatysty,- dep habarlaidy Dalanews.kz
Oblys ákimdigine arnaiy qabyldaýǵa Eskeldi aýdanynyń №6/6 jedel járdem brigadasynyń quramynda jumys isteitin feldsherler Ǵabit Erǵaj pen Damira Rahimova, júrgizýshi Murat Satekov keldi.
- Jeti adamdy órt shyqqan úiden alyp shyqqan batyldyqtaryńyz qandai qurmetke de laiyq. Sizder jedel áreket etý arqyly úlken apatty jaǵdaidyń aldyn alyp, tutas bir otbasynyń ómirin saqtap qaldyńyzdar. Bul erlikke teń is dep bilemiz. Osy oqiǵaǵa bailanysty oblys ákimi Beibit Isabaev sizderge óziniń alǵysyn jetkizip, marapattaýdy maǵan tapsyrǵan bolatyn. Búgin sol amanatty ózderińizge jetkizip otyrmyn. Sizderdi maqtan tutamyz, - degen Marlen Kólbaev jedel járdem qyzmetkerlerine oblys ákiminiń Alǵys hatyn jáne baǵaly syilyqtar tabystady, sol siiaqty Jedel jáne shuǵyl meditsinalyq járdem stantsiiasy tarapynan syiaqy berý máselesi sheshilgenin de jetkizdi.
Feldsher Ǵabit Erǵaj oqiǵanyń qalai bolǵanyn qysqasha baiandap, bul isti erlik emes, adamgershilik mindet dep qabyldaǵandaryn aitty:
- Shaqyrtýmen Jetisý aýylyna baryp, endi jumysqa qaitý úshin Qarabulaqqa qarai burylmaqshy edik, joldyń Tekelige baratyn oń jaq baǵytynda tútin shyǵyp jatqandai boldy. Ony aldymen kólik júrgizýshisi baiqady. Sosyn burylyp, kóreiik dedik. Sebebi sol jerde oqshaý bir úi bar ekenin burynnan biletinbiz, óitkeni sol úidegi úlken qart kisiniń sozylmaly aýrý bar edi de, shaqyrtýmen jii baratynbyz. Rasynda sol úiden órt shyǵyp jatyr eken. Uiyqtap jatqan úi ielerin oiatyp, qujattaryn jyldam jinastyryp, 7 adamdy túgendep úiden alyp shyqtyq, - deidi feldsher.
Ǵabit Erǵajdyń Jedel járdem qyzmetinde jumys istep júrgenine 8 jyl tolypty. Al Damira Rahimovanyń Taldyqorǵan meditsinalyq kolledjin bitirip, «Jastar praktikasy» baǵdarlamasymen Jedel járdem stantsiiasyna tájiribeden ótip júrgenine nebary úsh kún bolǵan. Ol: «Janymda osyndai tájiribeli, óz isiniń sheberi, batyl azamattardyń bolǵanyna qýandym. Olardan úirenerim kóp. Bul oqiǵa maǵan úlken ómirlik tájiribe boldy», - deidi. Al Murat Satekovtyń Jedel járdem kóligin júrgizýdegi jumys ótili – 16 jyl.
Kezdesýge qatysqan Jetisý oblystyq jedel jáne shuǵyl meditsinalyq járdem kórsetý stantsiiasynyń direktory Savelii Paktyń aitýynsha, Jedel járdem kóliginiń júrgizýshileri alǵashqy meditsinalyq kómek kórsetý, sanitarlyq avtokólik ishindegi qurylǵylardy qosý, jumys istetý siiaqty sharalardy meńgerip, arnaiy sertifikat alǵan. Sondyqtan júrgizýshiler de tolyqqandy alǵashqy meditsinalyq kómek kórsete alady. Jalpy stantsiiadaǵy Simýliatsiialyq ortalyqtyń jumysy meditsina mamandarynyń biliktiligin arttyrýǵa kóp kómek jasap otyr.
Kezdesý sońynda oblys ákiminiń orynbasary Jedel járdem brigadasyna taǵy bir márte alǵysyn bildirip, aldaǵy eńbekterine tabys tiledi.
