بٷگٸن جەتٸسۋ وبلىسى ەكٸمٸنٸڭ ورىنباسارى مارلەن كٶلباەۆ ەسكەلدٸ اۋدانىنداعى ٶرت شىققان ٷيدەن 7 ادامدى قۇتقارعان مەديتسينا ماماندارىن قابىلداپ, وبلىس ەكٸمٸنٸڭ اتىنان ماراپات تاپسىردى. كەزدەسۋگە وبلىستىق دەنساۋلىق ساقتاۋ باسقارماسىنىڭ باسشىسى اسقار سادىقوۆ پەن وبلىستىق جەدەل جەنە شۇعىل مەديتسينالىق جەردەم ستانتسيياسىنىڭ ديرەكتورى ساۆەليي پاك قاتىستى,- دەپ حابارلايدى Dalanews.kz
وبلىس ەكٸمدٸگٸنە ارنايى قابىلداۋعا ەسكەلدٸ اۋدانىنىڭ №6/6 جەدەل جەردەم بريگاداسىنىڭ قۇرامىندا جۇمىس ٸستەيتٸن فەلدشەرلەر عابيت ەرعاج پەن داميرا راحيموۆا, جٷرگٸزۋشٸ مۇرات ساتەكوۆ كەلدٸ.
- جەتٸ ادامدى ٶرت شىققان ٷيدەن الىپ شىققان باتىلدىقتارىڭىز قانداي قۇرمەتكە دە لايىق. سٸزدەر جەدەل ەرەكەت ەتۋ ارقىلى ٷلكەن اپاتتى جاعدايدىڭ الدىن الىپ, تۇتاس بٸر وتباسىنىڭ ٶمٸرٸن ساقتاپ قالدىڭىزدار. بۇل ەرلٸككە تەڭ ٸس دەپ بٸلەمٸز. وسى وقيعاعا بايلانىستى وبلىس ەكٸمٸ بەيبٸت يساباەۆ سٸزدەرگە ٶزٸنٸڭ العىسىن جەتكٸزٸپ, ماراپاتتاۋدى ماعان تاپسىرعان بولاتىن. بٷگٸن سول اماناتتى ٶزدەرٸڭٸزگە جەتكٸزٸپ وتىرمىن. سٸزدەردٸ ماقتان تۇتامىز, - دەگەن مارلەن كٶلباەۆ جەدەل جەردەم قىزمەتكەرلەرٸنە وبلىس ەكٸمٸنٸڭ العىس حاتىن جەنە باعالى سىيلىقتار تابىستادى, سول سيياقتى جەدەل جەنە شۇعىل مەديتسينالىق جەردەم ستانتسيياسى تاراپىنان سىياقى بەرۋ مەسەلەسٸ شەشٸلگەنٸن دە جەتكٸزدٸ.
فەلدشەر عابيت ەرعاج وقيعانىڭ قالاي بولعانىن قىسقاشا بايانداپ, بۇل ٸستٸ ەرلٸك ەمەس, ادامگەرشٸلٸك مٸندەت دەپ قابىلداعاندارىن ايتتى:
- شاقىرتۋمەن جەتٸسۋ اۋىلىنا بارىپ, ەندٸ جۇمىسقا قايتۋ ٷشٸن قارابۇلاققا قاراي بۇرىلماقشى ەدٸك, جولدىڭ تەكەلٸگە باراتىن وڭ جاق باعىتىندا تٷتٸن شىعىپ جاتقانداي بولدى. ونى الدىمەن كٶلٸك جٷرگٸزۋشٸسٸ بايقادى. سوسىن بۇرىلىپ, كٶرەيٸك دەدٸك. سەبەبٸ سول جەردە وقشاۋ بٸر ٷي بار ەكەنٸن بۇرىننان بٸلەتٸنبٸز, ٶيتكەنٸ سول ٷيدەگٸ ٷلكەن قارت كٸسٸنٸڭ سوزىلمالى اۋرۋ بار ەدٸ دە, شاقىرتۋمەن جيٸ باراتىنبىز. راسىندا سول ٷيدەن ٶرت شىعىپ جاتىر ەكەن. ۇيىقتاپ جاتقان ٷي يەلەرٸن وياتىپ, قۇجاتتارىن جىلدام جيناستىرىپ, 7 ادامدى تٷگەندەپ ٷيدەن الىپ شىقتىق, - دەيدٸ فەلدشەر.
عابيت ەرعاجدىڭ جەدەل جەردەم قىزمەتٸندە جۇمىس ٸستەپ جٷرگەنٸنە 8 جىل تولىپتى. ال داميرا راحيموۆانىڭ تالدىقورعان مەديتسينالىق كوللەدجٸن بٸتٸرٸپ, «جاستار پراكتيكاسى» باعدارلاماسىمەن جەدەل جەردەم ستانتسيياسىنا تەجٸريبەدەن ٶتٸپ جٷرگەنٸنە نەبارى ٷش كٷن بولعان. ول: «جانىمدا وسىنداي تەجٸريبەلٸ, ٶز ٸسٸنٸڭ شەبەرٸ, باتىل ازاماتتاردىڭ بولعانىنا قۋاندىم. ولاردان ٷيرەنەرٸم كٶپ. بۇل وقيعا ماعان ٷلكەن ٶمٸرلٸك تەجٸريبە بولدى», - دەيدٸ. ال مۇرات ساتەكوۆتىڭ جەدەل جەردەم كٶلٸگٸن جٷرگٸزۋدەگٸ جۇمىس ٶتٸلٸ – 16 جىل.
كەزدەسۋگە قاتىسقان جەتٸسۋ وبلىستىق جەدەل جەنە شۇعىل مەديتسينالىق جەردەم كٶرسەتۋ ستانتسيياسىنىڭ ديرەكتورى ساۆەليي پاكتىڭ ايتۋىنشا, جەدەل جەردەم كٶلٸگٸنٸڭ جٷرگٸزۋشٸلەرٸ العاشقى مەديتسينالىق كٶمەك كٶرسەتۋ, سانيتارلىق اۆتوكٶلٸك ٸشٸندەگٸ قۇرىلعىلاردى قوسۋ, جۇمىس ٸستەتۋ سيياقتى شارالاردى مەڭگەرٸپ, ارنايى سەرتيفيكات العان. سوندىقتان جٷرگٸزۋشٸلەر دە تولىققاندى العاشقى مەديتسينالىق كٶمەك كٶرسەتە الادى. جالپى ستانتسيياداعى سيمۋلياتسييالىق ورتالىقتىڭ جۇمىسى مەديتسينا ماماندارىنىڭ بٸلٸكتٸلٸگٸن ارتتىرۋعا كٶپ كٶمەك جاساپ وتىر.
كەزدەسۋ سوڭىندا وبلىس ەكٸمٸنٸڭ ورىنباسارى جەدەل جەردەم بريگاداسىنا تاعى بٸر مەرتە العىسىن بٸلدٸرٸپ, الداعى ەڭبەكتەرٸنە تابىس تٸلەدٸ.
