Panfilov aýdanyna jasaǵan saparynda oblys basshysy aldymen órtte janqiyrlyqpen qaza tapqan Erkinbek Ospanovtyń shańyraǵynda bolyp, otbasyna kóńil aityp, barynsha qoldaý sharalary kórsetiletinin jetkizdi.
– Erkinbek baýyrymyz qyzmettik mindetin atqarýda eren erlik kórsetti. Sondyqtan esimin el bilsin, keiingilerge úlgi bolsyn dep Memleket basshysy «Erligi úshin» medalin berý týraly Jarlyqqa qol qoidy, osy marapattardy tabystaýdy maǵan tapsyrdy. Sizderge barsha Jetisý jurtshylyǵynyń atynan qaiǵyryp kóńil aitamyn. Artynda qalǵan urpaqtaryna uzaq ǵumyr bersin, – degen oblys əkimi A. Batalov medaldi marqumnyń əkesi Əbilhan Ospanovqa usyndy. Erkinbektiń anasy Eralhan:
Budan keiin oblys basshysy ortalyq aýdandyq aýrýhanaǵa baryp, órtten zardap shekken Ǵabit Maqustovtyń densaýlyq jaǵdaiyn surap bildi. Tez qatarǵa qosylyp, aiaǵynan tik turýyna tilektestigin bildirip, oǵan qajetti barlyq meditsinalyq múmkindikter jasalatynyn atap ótti.
Munan soń aýdan ákimdiginde jiyn ótkizip, órt sóndirý kezinde erlik kórsetken azamattardy marapattady.
Taldy aýyldyq okrýginiń aýmaǵyndaǵy órshigen tilsiz jaýdy óshirý kezindegi jumyldyrý sharalaryna toqtala kele, oblys ákimi A. Batalov qyzyl jalynmen kúreste eren erlik kórsetken azamattardyń esimderi máńgi este qalatynyn atap ótti.
– Qatty ystyqtan bolǵan alapat órtti toǵyz kún degende óshirdik. Apat aramyzdan 3 baýyrymyzdy alyp ketti. Biraz adam zardap shekti. Sol órt kezinde eren erlik kórsetken azamattardy este qaldyrý, urpaqqa úlgi etý – bizdiń paryzymyz. Qaza tapqan azamattardyń otbasylaryna, týǵan-týystaryna jaqsylyq, el-jurtqa amandyq tileimin. Biz óz tarapymyzdan barynsha qoldaý kórsetemiz, jərdemimizdi aiamaimyz. Osyndai batyr uldar tərbielegen, elin, jerin súietin ul ósirgen ata-analaryna alǵys aityp, azamattardyń rýhynyń aldynda basymyzdy iemiz, – dedi A. Batalov óz sózinde.
Osy jiynda órtti aýyzdyqtaý kezinde mert bolǵan aýyl turǵyndary Aitqazy Nemeltaev pen Qanat Úsembekovke Memleket basshysynyń Jarlyǵymen berilgen «Erligi úshin» medali marqumdardyń jaqyndaryna tabystaldy. Sol siiaqty apatpen kúresýge belsene qatysqan azamattarǵa Ishki ister ministriniń buiryǵymen «Órtte kórsetken qaisarlyǵy úshin» medali berildi. Olardyń qatarynda Jarkent orman sharýashylyǵy basshysynyń orynbasary Baýyrjan Túiebaev, ormanshylar Baqtybai Rahimjanov, Ǵabit Maqsutov, Baýyrjan Torǵaev, orman sharýashylyǵynyń jumysshylary Lenýra Imanbaev, Rýslan Meiirmanov, aýdan turǵyny Sáken Qairatov bar.
Osy jiynda Erkinbek Ospanovtyń aǵasy Erlen Ospanov, Panfilov aýdanynyń Qurmetti azamaty, ardager Sháriphan Turǵanov jəne basqa azamattar sóz alyp, eli men jerin, orman-toǵaiyn qorǵaýdy azamattyq paryzym dep bilgen erlerdiń esimderi men erlikterin este saqtaityndyǵyn aitty.
Eske salsaq, 5 tamyz kúni Taldy aýyldyq okrýginde bolǵan alapat órtti óshirý kezinde Panfilov aýdanynyń 3 azamaty mert bolyp, 7 adam zardap shekken bolatyn. Aýrýhanaǵa jetkizilgen 7-eýdiń beseýi ambýlatoriialyq em alý úshin úilerine bosatylǵan, 1-eýi Almaty qalasynda, taǵy bireýi Jarkent qalasynda aýrýhanada em qabyldaýda.
Almaty oblysy ákiminiń baspasóz qyzmeti
