Jetisýda «Myń bala» ulttyq olimpiadasynyń ekinshi kezeńi bastaldy
Jarys aýyldy jerlerdegi 5-6 synyp oqýshylary arasynda ótkiziledi. 2020 jyly atalǵan saiys birinshi ret bastaý alǵan bolatyn. Biyl, Elbasynyń «El Úmiti» bastamasyn iske asyrý sheńberinde josparlanǵan bilim dodasy ekinshi ret ótkizilip otyr.
Aǵymdaǵy jyly «Myń bala» Ulttyq olimpiadasyna tirkelý jumystary 24 aqpan men 24 naýryz aralyǵynda júrgiziledi. 29 myń oqýshy olimpiadaǵa qatysýǵa ótinim bergen. Júzden júirik, myńnan tulpar 1050 óren bilim saiysynyń 2-kezeńine joldama aldy.
Olimpiada eki kezeńnen turady. Birinshi kezeńde, logikalyq jáne keńistiktik oilaýdy baǵalaýdy qamtidy. Olimpiadanyń ekinshi kezeńi oblystyq testileý ortalyqtary bazasynda oflain ótkiziledi. Bul kezeńde qatysýshylar, «Matematikalyq saýattylyq», qazaq tilinde oqityn oqýshylar úshin «Qazaq tili», orys tilinde oqityn oqýshylar úshin «Orys tili», «Aǵylshyn tili», «Jaratylystaný» pánderi boiynsha akademiialyq bilimderin baǵalaý úshin kompiýterlik testileýden ótedi.
Aita keteiik, ótken jyldyń jeńimpazdary da olimpiadaǵa qatysa alady, olarǵa testileýdiń II kezeńinen bastap qatysý quqyǵy berildi.
Olimpiadany ótkizý kezinde oqýshylardyń tanymdyq jáne akademiialyq daǵdylary onlain jáne oflain rejiminde kompiýterlik testileý arqyly baǵalanady. Olimpiada testilerin kásibi mamandardyń mamandandyrylǵan jumys toby test suraqtaryn ázirleýdiń halyqaralyq standarttaryn eskere otyryp qurastyrylǵan. Sondai-aq, test suraqtary aýyl mektepteriniń oqýshylaryna arnaiy beiimdelip jasalǵan.
«Jobada úzdik shyqqan órenderge, Almaty oblysyndaǵy mamandandyrylǵan bilim mekemelerinde oqý úshin grant alý múmkindigi beriledi. Bir eskerterligi, aimaqtaǵy úzdik oqý oryndaryna 6 synyp oqýshylarynyń arasyndaǵy daryndylar ǵana qabyldanady. Al, 5 synyp oqityn balar arasynda top jarǵandar Elbasy Akademiiasynyń «Birge oqý» onlain-mektebinde pándik daiyndyqtan ótedi»,-deidi «Jetisý Daryny» KMM basshysy Alisher Basharov.
