جارىس اۋىلدى جەرلەردەگى 5-6 سىنىپ وقۋشىلارى اراسىندا وتكىزىلەدى. 2020 جىلى اتالعان سايىس ءبىرىنشى رەت باستاۋ العان بولاتىن. بيىل، ەلباسىنىڭ «ەل ءۇمىتى» باستاماسىن ىسكە اسىرۋ شەڭبەرىندە جوسپارلانعان ءبىلىم دوداسى ەكىنشى رەت وتكىزىلىپ وتىر.
اعىمداعى جىلى «مىڭ بالا» ۇلتتىق وليمپياداسىنا تىركەلۋ جۇمىستارى 24 اقپان مەن 24 ناۋرىز ارالىعىندا جۇرگىزىلەدى. 29 مىڭ وقۋشى وليمپياداعا قاتىسۋعا ءوتىنىم بەرگەن. جۇزدەن جۇيرىك، مىڭنان تۇلپار 1050 ورەن ءبىلىم سايىسىنىڭ 2-كەزەڭىنە جولداما الدى.
وليمپيادا ەكى كەزەڭنەن تۇرادى. ءبىرىنشى كەزەڭدە، لوگيكالىق جانە كەڭىستىكتىك ويلاۋدى باعالاۋدى قامتيدى. وليمپيادانىڭ ەكىنشى كەزەڭى وبلىستىق تەستىلەۋ ورتالىقتارى بازاسىندا وفلاين وتكىزىلەدى. بۇل كەزەڭدە قاتىسۋشىلار، «ماتەماتيكالىق ساۋاتتىلىق»، قازاق تىلىندە وقيتىن وقۋشىلار ءۇشىن «قازاق ءتىلى»، ورىس تىلىندە وقيتىن وقۋشىلار ءۇشىن «ورىس ءتىلى»، «اعىلشىن ءتىلى»، «جاراتىلىستانۋ» پاندەرى بويىنشا اكادەميالىق بىلىمدەرىن باعالاۋ ءۇشىن كومپيۋتەرلىك تەستىلەۋدەن وتەدى.
ايتا كەتەيىك، وتكەن جىلدىڭ جەڭىمپازدارى دا وليمپياداعا قاتىسا الادى، ولارعا تەستىلەۋدىڭ II كەزەڭىنەن باستاپ قاتىسۋ قۇقىعى بەرىلدى.
وليمپيادانى وتكىزۋ كەزىندە وقۋشىلاردىڭ تانىمدىق جانە اكادەميالىق داعدىلارى ونلاين جانە وفلاين رەجيمىندە كومپيۋتەرلىك تەستىلەۋ ارقىلى باعالانادى. وليمپيادا تەستىلەرىن كاسىبي مامانداردىڭ مامانداندىرىلعان جۇمىس توبى تەست سۇراقتارىن ازىرلەۋدىڭ حالىقارالىق ستاندارتتارىن ەسكەرە وتىرىپ قۇراستىرىلعان. سونداي-اق، تەست سۇراقتارى اۋىل مەكتەپتەرىنىڭ وقۋشىلارىنا ارنايى بەيىمدەلىپ جاسالعان.
«جوبادا ۇزدىك شىققان ورەندەرگە، الماتى وبلىسىنداعى مامانداندىرىلعان ءبىلىم مەكەمەلەرىندە وقۋ ءۇشىن گرانت الۋ مۇمكىندىگى بەرىلەدى. ءبىر ەسكەرتەرلىگى، ايماقتاعى ۇزدىك وقۋ ورىندارىنا 6 سىنىپ وقۋشىلارىنىڭ اراسىنداعى دارىندىلار عانا قابىلدانادى. ال، 5 سىنىپ وقيتىن بالار اراسىندا توپ جارعاندار ەلباسى اكادەمياسىنىڭ «بىرگە وقۋ» ونلاين-مەكتەبىندە پاندىك دايىندىقتان وتەدى»،-دەيدى «جەتىسۋ دارىنى» كمم باسشىسى اليشەر باشاروۆ.
