Taldyqorǵanda Tilder saraiynda aqyn Muqaǵali Maqataevtyń 90 jyldyǵyna arnalǵan baiqaý jeńimpazdaryn marapattaý rásimi ótti. Baiqaýdy Almaty oblystyq tilderdi damytý basqarmasy men «Muqaǵali» respýblikalyq ádebi-mádeni tanymdyq jýrnaly birlesip uiymdastyrdy.
– Kóptegen adamdar baiqaýǵa qatysýǵa niet bildirdi. 18-45 jas aralyǵyndaǵy 450 úmitker ózderiniń materialdaryn usyndy, olar aldymen plagiatqa tekserilip, súzgiden ótkizildi. Nátijesinde 360 adam shyǵarmashylyq baiqaýǵa qatysýǵa múmkindik aldy, – dedi baiqaýdyń bas qazysy Núsipbai Ábdirahym.
Ekinshi baǵyt «Muqaǵali shyǵarmashylyǵyndaǵy ulttyq tanym». Bul baǵyt boiynsha qatysýshylar Muqaǵali shyǵarmashylyǵyndaǵy ulttyq tanym, ulttyq kod pen bolmystyń mánin ashyp, zertteý maqalasyn jazdy. Shyǵarmany baǵalaýda mazmunyna, ideiasyna, qurylymyna, kórkemdigine jáne taqyryptyń jan-jaqty ashylýyna mán berildi.
Baiqaý qorytyndysy boiynsha, jeńimpazdar gramotalarmen jáne aqshalai sertifikattarmen marapattaldy. Qurmetti 1, 2, 3 oryndardy 9 qatysýshy ielendi, al bas júlde 2 úmitkerlerge buiyrdy.
