Jetisý oblysynda kúzgi jıyn-terin naýqany aıaqtalýǵa jaqyn. Búgingi kúni masaqty-dándi daqyldar, ıaǵnı arpa, bıdaı, suly tolyǵymen orylyp, 483,9 myń tonna astyq bastyryldy, ortasha ónimdilik gektaryna 18,2 sentnerden keldi, – dep habarlaıdy Dalanews.kz Jetisý oblysy ákiminiń baspasóz qyzmetine silteme jasap.

Jetisý oblystyq aýyl sharýashylyǵy basqarmasynyń málimetine qaraǵanda, sebilgen 324,4 myń gektar dándi daqyldardyń 309,5 myń gektary nemese 95,4% orylyp, 745,0 myń tonna astyq bastyryldy. Onyń ortasha ónimdiligi gektaryna 24,1 sentnerdi qurap otyr.

Osy oraıda kúrish, kartop, baqsha daqyldary men kókónis tolyǵymen jınalyp bitken. Atap ótsek, 1,07 myń ga jerden 3,41 myń tonna kúrish jınalyp, ortasha shyǵymy ár gektarynan 32,0 sentnerdi quraǵan.

Sol sıaqty 7,6 myń ga jerden 226,7 myń kókónis, 1,8 myń gektardan 51,5 myń tonna baqsha daqyldary jınap alyndy. Kartopqa toqtalsaq, 11,9 myń gektardan 245,3 myń tonna jınalyp, ortasha ónimdilik gektaryna 206,8 sentnerge jetti.

Sol sıaqty dándik júgeriniń 42,0 myń gektary nemese 73,8% jınalyp, 257,6 myń tonna ónim alyndy. Maıly daqyldardyń 67,4 myń gektary nemese 83,6% jınalyp, 127,8 myń tonna ónim alynsa, qant qyzylshasynyń 7,6 myń gektary nemese 89,4% qazylyp, 293,7 myń tonna ónim jınaldy, ázirge ortasha ónimdilik gektaryna – 386,0 sentner.