جەتىسۋ وبلىسىندا كۇزگى جيىن-تەرىن ناۋقانى اياقتالۋعا جاقىن. بۇگىنگى كۇنى ءماساقتى-داندى داقىلدار، ياعني ارپا، بيداي، س ۇلى تولىعىمەن ورىلىپ، 483،9 مىڭ توننا استىق باستىرىلدى، ورتاشا ونىمدىلىك گەكتارىنا 18،2 سەنتنەردەن كەلدى، – دەپ حابارلايدى Dalanews.kz جەتىسۋ وبلىسى اكىمىنىڭ باسپا ءسوز قىزمەتىنە سىلتەمە جاساپ.

جەتىسۋ وبلىستىق اۋىل شارۋاشىلىعى باسقارماسىنىڭ مالىمەتىنە قاراعاندا، سەبىلگەن 324،4 مىڭ گەكتار ءداندى داقىلداردىڭ 309،5 مىڭ گەكتارى نەمەسە 95،4% ورىلىپ، 745،0 مىڭ توننا استىق باستىرىلدى. ونىڭ ورتاشا ونىمدىلىگى گەكتارىنا 24،1 سەنتنەردى قۇراپ وتىر.

وسى ورايدا كۇرىش، كارتوپ، باقشا داقىلدارى مەن كوكونىس تولىعىمەن جينالىپ بىتكەن. اتاپ وتسەك، 1،07 مىڭ گا جەردەن 3،41 مىڭ توننا كۇرىش جينالىپ، ورتاشا شىعىمى ءار گەكتارىنان 32،0 سەنتنەردى قۇراعان.

سول سياقتى 7،6 مىڭ گا جەردەن 226،7 مىڭ كوكونىس، 1،8 مىڭ گەكتاردان 51،5 مىڭ توننا باقشا داقىلدارى جيناپ الىندى. كارتوپقا توقتالساق، 11،9 مىڭ گەكتاردان 245،3 مىڭ توننا جينالىپ، ورتاشا ونىمدىلىك گەكتارىنا 206،8 سەنتنەرگە جەتتى.

سول سياقتى داندىك جۇگەرىنىڭ 42،0 مىڭ گەكتارى نەمەسە 73،8% جينالىپ، 257،6 مىڭ توننا ءونىم الىندى. مايلى داقىلداردىڭ 67،4 مىڭ گەكتارى نەمەسە 83،6% جينالىپ، 127،8 مىڭ توننا ءونىم الىنسا، قانت قىزىلشاسىنىڭ 7،6 مىڭ گەكتارى نەمەسە 89،4% قازىلىپ، 293،7 مىڭ توننا ءونىم جينالدى، ازىرگە ورتاشا ونىمدىلىك گەكتارىنا – 386،0 سەنتنەر.