Jetisýda jyl sońyna deiin Servistik ákimdikter sany artady
Búgingi kúni Aqsý, Balqash, Qarasai, Qaratal, Kóksý, Raiymbek aýdandary men Taldyqorǵan qalasynda servistik ákimdikter jumys isteidi. Olarda qyzmet kórsetetin mekemeler ókilderin bir jerge shoǵyrlandyrý arqyly qyzmet alýdy jeńildetýge múmkindik jasalǵan. Barlyq memlekettik organnyń ókilderi Open space ádisimen ashyq kabinalarda otyryp, kelýshilerge qyzmet kórsetedi.
Degenmen Almaty oblysy boiynsha Sybailas jemqorlyqqa qarsy qyzmet departamentiniń basshysy Ernar Maqajanov bul týraly óz pikirin bildirip, usynys aitty:
– Almaty oblysy aýmaǵynda búgingi kúni 7 servistik ákimdik bar. Alaida bul respýblika boiynsha tómengi kórsetkish. Sondyqtan osyndai ákimdikterdiń barlyq aýdan-qalalarda ashylýyna tapsyrma berýińizdi suraimyn, – dedi E.Maqajanov.
Osydan bir jarym jyl buryn respýblikada alǵashqy bolyp «Servistik ákimdik» Qaratal aýdanynda ashylyp, úlgi retinde kórsetilgenin eske alǵan oblys ákimi Amandyq Batalov:
– Barlyq aýdan-qalalarda Servistik ákimdikter ashýdy jyl sońyna deiin aiaqtaýymyz kerek. Onda qyzmet alýshylar úshin barlyq qolaily jaǵdailar jasalatyn bolsyn. Mekemelerge kirý shektelgen qazirgidei kezeńde ár jerge júrigip júrmei, memlekettik qyzmetterdi bir jerden alatyn osyndai Servistik ákimdikter halyqqa asa qajet, – dep atap ótti.
Eske salsaq, 21 tamyzda osyndai ashyqtyq printsipindegi Servistik ákimdik Ile aýdanynda ashylady dep josparlanyp otyr.
Almaty oblysy ákiminiń baspasóz qyzmeti
