Jetisý ólkesinde mıneraldyq shıkizatty óndirip, qaıta óńdeýge basymdylyq berilmek. Bul týraly Almaty oblysynyń ákimi Qanat Bozymbaev óziniń alǵashqy baspasóz-máslıhatynda aıtty, – dep habarlaıdy Dalanews.kz.

Óńir basshysy oblystaǵy  iri ınvestısıalyq jobalardy júzege asyrý josparymen bólisti.

– Alǵashqy iri joba – «Jetisý Vólframy» JSHS vólfram kenin óndirý. Bul jospar Buǵyty ken ornynda júzege asatyn bolady. Munda 94,5 mlrd teńge kóleminde ınvestısıa tartylyp, saldarynan 400 jumys orny qurylady dep kútilýde.  Onyń jobalyq qýaty 3,3 mln tonna ken óndirýge jetedi, – dedi Qanat Bozymbaev.

Jetisý jerinde iske asatyn taǵy bir mańyzdy joba –  «Kóksaı Muzbel» JSHS taý-ken baıytý kombınaty.  Munda keleshekte 25 mln tonna mys keni qaıta óńdeledi. Bul maqsatta 650 mlrd teńge ınvestısıa tartylmaq. Kombınat iske qosylsa 1200 adam jumyspen qamtylady.