Қазақша Qazaqsha قازاقشا Русский
DALA INSIDE-qa ótý
Dala 360 Politica Vox Populi Dala Finance Shartarap Bile júrińiz! Referendým
Bilim Suhbat Zań men Tártip Aimaq Jumysshy jyly Aityldy – oryndaldy Bas taqyryp Saraptama Dál qazir Taza Qazaqstan AES: Referendým
DalaNews visual
Freedom Inside '26

Jetisýda jasóspirimderdiń IV jazǵy oiyndary óz máresine jetti

Dalanews
Jetisýda jasóspirimderdiń IV jazǵy oiyndary óz máresine jetti
Taldyqorǵan qalasynda respýblikalyq aýyl jasóspirimderiniń IV jazǵy oiyndary óz máresine jetti. Respýblikany dúbirge bólegen bairaqty básekeniń jabylý saltanatyna Jetisý oblysy ákiminiń orynbasary Rýstam Áli qatysyp, dodaǵa qatysqan jastardy quttyqtady.

On kún boiy sporttyń 12 túrinen 14 oblystyń komandasy baq synaǵan báseke óte tartysty ótti.

Jarys barysynda elimizde bolashaǵynan úmit kúttiretin jas sportshylardyń ósip kele jatqanyna kýá boldyq. Jan alyp, jan berisken jarysta Jetisý oblysynyń sportshylary namysty qoldan bermedi. Ár básekede joǵary satyǵa shyǵý úshin baryn saldy.

Qorjyndaryna upai enshilep, jalpy komandalyq esepte birinshi orynǵa qol jetkizýge kúsh salǵanyna kýá boldyq. Sonymen ár sport túriniń nátijesi boiynsha Jetisý oblysy mynadai kórsetkishke qol jetkizdi:

Oblys qurama komandasy voleiboldan qyzdar arasynda – 2 oryn, shaǵyn-fýtbol – 3 oryn, erkin kúresten – 3 oryn, grek-rim kúresinen – 2 oryn, dziýdodan – 1 oryn, erkin kúresten – 3 oryn, basketboldan qyzdar – 2 oryn, uldar – 3 oryn, kógaldaǵy hokkei qyzdar men uldar – 1 oryn ielendi. Bul jetistikterdiń árqaisyna jekelei upai beriledi.


Jalpy jarystyń jiyntyǵy boiynsha 276 upai jinaǵan Jetisý oblysy respýblikalyq aýyl jasóspirimderiniń IV jazǵy oiyndarynyń jeńimpazy atandy. Ekinshi orynǵa 257 upai jinaǵan Almaty oblysy qol jetkizse, úshinshi oryn 241 upai jinaǵan Túrkistan oblysy enshiledi.

Tórt jylda bir ret uiymdastyrylatyn respýblikalyq aýyl jasóspirimderiniń IV jazǵy oiyndarynyń jabylý saltanatynda Jetisý oblysy ákiminiń orynbasary Rýstam Áli jarysqa qatysqan barlyq komandaǵa alǵysyn bildirip, jeńimpazdardy arnaiy kýbokpen jáne medaldarmen marapattady.

Jetisý oblysy dene shynyqtyrý jáne sport basqarmasynyń basshysy Almat Úshkempirov 2026 jyly bolatyn respýblikalyq aýyl jasóspirimderiniń V jazǵy oiyndarynyń bairaǵyn Aqtóbe oblysynyń ókiline saltanatty túrde tabys etti.
Taldyqorǵan Grek-rim kúresi fýtbol Jetisý oblysy Rýstam Áli jasóspirimderdiń IV jazǵy oiyndary Almat Úshkempirov Madina Sádýaqasova

Oqi otyryńyz