Он күн бойы спорттың 12 түрінен 14 облыстың командасы бақ сынаған бәсеке өте тартысты өтті.
Жарыс барысында елімізде болашағынан үміт күттіретін жас спортшылардың өсіп келе жатқанына куә болдық. Жан алып, жан беріскен жарыста Жетісу облысының спортшылары намысты қолдан бермеді. Әр бәсекеде жоғары сатыға шығу үшін барын салды.

Облыс құрама командасы волейболдан қыздар арасында – 2 орын, шағын-футбол – 3 орын, еркін күрестен – 3 орын, грек-рим күресінен – 2 орын, дзюдодан – 1 орын, еркін күрестен – 3 орын, баскетболдан қыздар – 2 орын, ұлдар – 3 орын, көгалдағы хоккей қыздар мен ұлдар – 1 орын иеленді. Бұл жетістіктердің әрқайсына жекелей ұпай беріледі.

Төрт жылда бір рет ұйымдастырылатын республикалық ауыл жасөспірімдерінің IV жазғы ойындарының жабылу салтанатында Жетісу облысы әкімінің орынбасары Рустам Әли жарысқа қатысқан барлық командаға алғысын білдіріп, жеңімпаздарды арнайы кубокпен және медальдармен марапаттады.
