Sharýa qojalyǵynyń jetekshisi Mánshúk Jeksembekovanyń aitýynsha, sharýashylyq orman jańǵaǵyn ósirýge 2017 jyldan bastap den qoiǵan. Alǵashynda 2018 jyly 10 gektarǵa otyrǵyzylǵan qarqyndy baq kelesi jyly alǵashqy ónimin bergen. Endi qojalyq baqtyń kólemin ulǵaityp, taǵy 20 gektarǵa jas kóshet egýge niettenip otyr. Kóshetter 2 jyl buryn ákelingen, qazir jylyjaida, biylǵy kúzde otyrǵyzylady.
– Biz jumys barysynda zamanaýi tehnologiialardy qoldanamyz. Tamshylatyp sýarýdyń tiimdiligin kórip otyrmyz. Ózimizdiń meteostansamyz bar, sonyń arqasynda aýa raiynyń qalai qubylatynyn, aýa temperatýrasy men ylǵaldyǵyn bile alamyz. 1 gektardan 4 tonnadai jańǵaq alamyz dep josparlap otyrmyz, – dedi M. Jeksembekova.
Eske salsaq, ótken jyldyń qorytyndysy boiynsha óńirdegi baqtardyń jalpy alańy 23,7 myń gektarǵa jetti, sonyń ishinde alma baǵy – 14,2 myń ga. Jemis-jidek pen júzimniń jalpy óniminiń kólemi 151,1 myń tonnny qurady, sol qatarda almanyń kólemi 107,8 myń tonnaǵa jetti.
