شارۋا قوجالىعىنىڭ جەتەكشٸسٸ مەنشٷك جەكسەمبەكوۆانىڭ ايتۋىنشا, شارۋاشىلىق ورمان جاڭعاعىن ٶسٸرۋگە 2017 جىلدان باستاپ دەن قويعان. العاشىندا 2018 جىلى 10 گەكتارعا وتىرعىزىلعان قارقىندى باق كەلەسٸ جىلى العاشقى ٶنٸمٸن بەرگەن. ەندٸ قوجالىق باقتىڭ كٶلەمٸن ۇلعايتىپ, تاعى 20 گەكتارعا جاس كٶشەت ەگۋگە نيەتتەنٸپ وتىر. كٶشەتتەر 2 جىل بۇرىن ەكەلٸنگەن, قازٸر جىلىجايدا, بيىلعى كٷزدە وتىرعىزىلادى.
– بٸز جۇمىس بارىسىندا زاماناۋي تەحنولوگييالاردى قولدانامىز. تامشىلاتىپ سۋارۋدىڭ تيٸمدٸلٸگٸن كٶرٸپ وتىرمىز. ٶزٸمٸزدٸڭ مەتەوستانسامىز بار, سونىڭ ارقاسىندا اۋا رايىنىڭ قالاي قۇبىلاتىنىن, اۋا تەمپەراتۋراسى مەن ىلعالدىعىن بٸلە الامىز. 1 گەكتاردان 4 تونناداي جاڭعاق الامىز دەپ جوسپارلاپ وتىرمىز, – دەدٸ م. جەكسەمبەكوۆا.
ەسكە سالساق, ٶتكەن جىلدىڭ قورىتىندىسى بويىنشا ٶڭٸردەگٸ باقتاردىڭ جالپى الاڭى 23,7 مىڭ گەكتارعا جەتتٸ, سونىڭ ٸشٸندە الما باعى – 14,2 مىڭ گا. جەمٸس-جيدەك پەن جٷزٸمنٸڭ جالپى ٶنٸمٸنٸڭ كٶلەمٸ 151,1 مىڭ تونننى قۇرادى, سول قاتاردا المانىڭ كٶلەمٸ 107,8 مىڭ تونناعا جەتتٸ.
